( مقتطفاتي )

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
لا ياسماا دنياي ماهي غريبه=هذي أنا يا تاج قلبي وراسي
حسّي كذا,ودموع عيني قريبه=حتى النسيم العذب يجرح احساسي
كيلي طفح وأيام عمري عجيبه=ماعاد فيني , ضعف حتى حماسي
ورااسك,ترى رق المشاعر مصيبه=لـَـ .تْجي علي مع جاير الوقت قاسي
كلّش ولا جرح الحبيب لْحبيبه=يـ .أغلى من عْيوني ويـ .أعز ناسي[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
جيتك وأنا كلي على ماتمنيت=أرتب حْروفي وأجهز سؤالي
كنت أحْسب أني وقتها لاتحديت=بيصير ماودّي وصوّر خيالي
ولعبت فووق الماا وتحته وغنيت=وجريت موالي على ماطرى لي
رسمت ماصوّر خيالي بكم بيت=طرزتها بسلك الذهب فوق شالي
وأبديت لي وأوحيت لي,وأستعديت=وهبّت على غيمة سمانا الشمالي !![/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
سلفني الجنحان بالله ياطير=ودي أحلّق فـ .السماا بضع ساعات
وأوسّع الخاطر وأسلّيه وأطير=لـ .ضاقت بْصدري فجوج الوسيعات[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامصدّق الاحلام تحقيق الاحلام=ماهوب يالمحبوب سهلٍ علينا
ليت الزمن يطلع بنا شْوي قدام=والا يرجّعنا قبل مـ .ألتقينا
الله وأكبر كيف تعدااد الايام=يسرق ربيع أعمارنا مادرينا
وظروفنا تصْدر علينا بالاحكام=والعاطفه ماكن لها حق فينا[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مساا الخير يا لوحة فنوني وياسلواي=مساا الخير والتقدير ياركني الهادي
عليك أشتكي لاعدّت لك من بَعَد شكواي=على الله,وأفضفض ماتهيّضت بـ .جْدادي
أيا منتجع روحي,حروفي عليك دْواي=علاجي ليامن ضقت واشتقت لـ .بْلادي[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كفي عن النووح الشجي ياحمامه=كفي ترى دمعي على رمش عيني
بيني وبينك,لو لحقني ملامه=لو كنت مثلك قلت فيني وفيني
وغنيت قبل الليل يسدل ظلامه=قبل الغروب يْحول بينه وبيني
قبل المساا يشكي لـ .صبحه غرامه=والورد يذبل فووق راحة يديني[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الجو راايق وخاطر نجد مو راايق=حتى الهبااايب ليا هبت تضايقها
بين الغمووض العجيب وصدرها الضايق=تسري مع الغيم وتْسابق دقايقها[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نقشت من بوحي بْراحة كفوفي=بيتٍ عليه أسمك مسبّك ومحبوك
وأقـْفيت غصب مْكتّفتني ظروفي=تسحبني بقوّة شغبها على الشوك
طاوعتها ماطعت رغبة شفوفي=كني لها عبدٍ مسخّر ومملوك
شاااخت وشبت ضوها وسط جوفي=وأبي الخرااج وباب الَـ .فْرااج مصكوك[/poem]

[poem=font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الفاضي وصلتي لـ .الثريـا يامشاعرنـا=سهرنا وأنتظرنا وأستبحتينـا علـى الفاضـي؟
تـمـنـيـنـا وغـنـيـنــا مـــــن أسـبــابــك وسـافــرنــا=على متن السحاب اللي يثيرك كل ماناضي
بـراكـيــنــك تــفــجّــر فـ .الـمـعـالـيــق وتـصـبّــرنــا=تصولين وتجولين وطغيتي,ليت لـك قاضـي
تـحـديـنـا قــســاوة بـطـشــك الـغـاشــم وكـابـرنــا=لـو أن الخافـق المجبـور لا طايـع ولا راضــي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ماقلت طااب الوقت والهم راح=وانشرح خاطري وضيقتي ودعتني
والمطر والسحاب وزااهر العشب فاح=مع رذااذ المطر,ريحة شذااه أمتعتني
أستعيد البعيد اللي ذرته الرياح=شتتتني غيااهب لوعته واجمعتني
أستعيده وأعيده وأذكره,واستباح=روحي اللي على النسيان ماطاوعتني
ودي أهديه ودي مع نسيم الصباح=والعصافير طارت والظروف امنعتني[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهاجـس اللـي مـع اللـيـل وظـلامـه ســرى=لــيــتــه لــيــاعــاد لــيــلــي مــايــعــوّد مـــعـــه
وارتـاح وانسـى همـوم القلـب والـلـي جــرى=مـاهـبّـت الــريــح طــــار ومـانـبــي نـجـمـعـه
وأن جاا خياله على عزف الحروف وقرى=كـافــي يـجــاوب عـلــى حـســي ولايسـمـعـه
نبـره تجـي مـع سكـون اللـيـل مـ .أحــدٍ درى=تـضـيـع مــــع ســكّــة الـتـمـويـه والمـعـمـعـه
[/poem]

رمـــز الـغـلـى بيـنـنـا كـلـمــه
مضمـونـهـا فـــي ضمـايـرنـا
,,,
والمخرج اللي عرض فلمه
كـــنّــــه بــعــيــنــه يــنــاظــرنــا
,,,
يـــاقــــو قــلــبـــه ويــاحــلــمــه
وشـلــون مــثّــل مـشـاعـرنـا

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طفـح كيـل المشاعـر واستفـزت صــادق الـوجـدان=ونـوى طيـر الغـلـى مــن ضيقـتـه يكـفـخ بجنحـانـه
وتشاكت ساير أعضاء البدن من لوعة الحرمان=وتبـاكـت للمشـاعـر مــن شـمــال الـشــوق بـردانــه
ورعــد غـيـم العـيـون وهــلّ مـــاه وسـيّــل الـوديــان=وفرض صمت الظروف القاسيه حكمه وسلطانـه
[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
حرك غْصون الشوق يا وااهج الشوق=قلبي من الفرقى تشاكت عْروقه
عساه يَسْلَى فـ .المقابيل ويروق=يمطر سماا جوّه وتبرق بْروقه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامشغل البال سولف لي عن الحال=يــاطــول الامــيـــال مـابـيـنــك وبـيــنــي
الله يـبـارك لـنـا فـــي جـــارِ الارســـال=والله عـلــى ظـــروف دنـيـانــا يـعـيـنـي
سولف معي خَلْ نبني جسر الآمـال=ونْـقــول عـــلّ وعـســى بـكــره تـزيـنـي
طــال الصـبـر والـفـراق الـمـر لـ .طــال=مـافــي يـديـنــك وأنــــا مــافــي يـديـنــي
واللي خلقنـي معـي دايـم علـى البـال=في داخل القلب,مـدري وسـط عينـي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصمت حكمك بعض الأحيان قاسي=حراام,تمنعنـي عـن الـبـووح ياصـمـت
كم جتني الفرصـه عـدد شعـر رااسـي=ويــا لـلأسـف فـاتـت عـلــي ماتكـلـمـت [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعال واسْمعني من الرااس للراس=ياكثر مافيني وياقو باسي
بـ .أشكي لك هْمومي بعيده عن الناس=يانور عيني يابعد كل ناسي
[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هنيّـك حمـام الـدوح لامـن طـرى غنّيـت=هديلـك علـى سـور الحديقـه يصحّينـي
وأنا شاعره لامن كتبت القصيد وجيـت=أغني لْحوونه خفت لا الناس توحيني[/poem]

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جـــات الاجـــازه وقـلـبـي تـــاق=لـنـجــد الـعـذيّــه ومَــــن فـيــهــا
ربـيـعــهــا حـــــــرّك الاشْـــــــواق=يـــازيــــن شــــوفــــة فـيـافــيــهــا
وعيّت ظروفي وصدري ضاق=وعْـيــونــي الـــوقـــت جـافـيــهــا
نــوح الحمـامـه مــع الاشــراق=كــدّر عـلـى النـفـس صافـيـهـا [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يبيـن الشـوق فـ .عْيونـي لـو أنـي ماشكيـت الـشـوق=ولاسـولـفـت حـتــى لـ .أقـــرب أحـبـابـي عـــن أســـراري
يسألني وشهي أخبارك؟وأجاوب بـ .أحسن المنطوق=أخـــبـــاري كــلــهــا زيــنــه,ولـــو مـــازانــــت أخـــبــــاري!
سـرق وقتـي سـكـون الليـل,مـدري قلـبـي المـسـروق=وضـيّــعــت الـطــريــق وتـــهـــت مـاكـمــلــت مـــشـــواري
سـمـاي الصافيـه,مـن وااهج أشواقـي,رعـد وبْـــروق=مـطـرهــا لاتــصـــادم غـيـمـهــا فـــــي دفــتـــر أشــعـــاري[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله أن نفـسـي خفـيـفـه ياحـمـامـه=جـربــي كــانــك قــدرتــي واحمـلـيـنـي
أحمليـنـي وابـشـري بْـــزود الـكـرامـه=وان جَهَـدتـك ياحمـامـه سامحـيـنـي
لابـذلـتـي الـجـهـد عـــدّاك الـمـلامــه=يـاحـمـامــه لانـخـيــتــك سـاعـديــنــي
وش أسوي يكسـر الخاطـر كلامـه=والـظـروف الـعـوج عـيّـت لاتـزيـنـي
عيّـت ظـروفـي تـواكـب مــع دوامــه=اكسبي الناموس والمعـروف فينـي
قـــال كـابــوس الـعـنـا كـــدّر مـنـامــه=حــال مكـتـوب الـقـدر بيـنـه وبيـنـي
قلت أزوره بس من باب الشهامه=وقبـل صبـح الفـجـر بالله رجعيـنـي
حـطــي لْــجــدول زيــاراتــي عــلامــه=رتـبـي حـالـك عـلـى وقـتــه تجـيـنـي
كـل مـاجـا العـصـر طـرنـا ياحمـامـه=لاطـلــع نـــور الـصـبــاح مْـعـوديـنـي
توحش الوحـده مـع الليـل وظلامـه=سـهّـلـي دربـــي فـديـتــك وانـقـذيـنـي
[/poem]

سلام ومرور كرام لشاعره أكن لها كل الاحترام

في أمان الله