ألوان فضفاضَه

أَسأل عليها, و لاْ ادري وين وِجهَتها؟!
ــــــــــــــ مِن وين ما هي تلَقّي!, خافقي لَقّا

تمكّنَت, و اِمتطَت روحي وصَهوَتها
ــــــــــــــــــــ الحُبّ طاغي..ولا خَلاّ, وَلاَ بَقّا

يقول: بعلِّمْك,
في سِرّ بيني وبينك..

,

قِلت: اِيِه قَرّب شويّ,
وآنا آخذه مِن فَمْك

ما شفتها! لَكن يقولون عنها:
ــــــــ متْميّزه فـ الذوق, والشكل, واللون

و آقول: لازم تشبَع العين منها
ــــــــ آنا بطبعي! مــَ اسمع اللي يقولون

يا حَبيبي هاك من بعض الحقايق
ـــــــــــــ يا مذوِّب بالوصل حزني, و هَمّي:

لوْ عيونك في شراييني توايِق!:
ــــــــــــ شافَت اِسمك في كريّاتي, و دَمّي

يا فاتني لو من سواتك تألَّمْت!,
ــــــ و لوْ قِلت لك قلبي تعب, و اِنكوى! ليَس:

إلاّ لأني في حياتي تعَلَّمت:
ــــــــــــ لايمكن ارضىْ العيش خلف الكواليس

الشِعر!: ماهو نَظْم قيفان, و الحان
ــــــــــ وْ ماهو بــ وزن الصدر, والعجز ياناس

الشِعر!: قَدره معتلي مثْل الاِنسان:
ــــــ نَبض, وْ مشاعر داخل الصدر, و اِحساس

ياصاحبي ركّز معي زين وانظر
ـــــــــــــ خلّك معي حاضر هنا، و اِنتبه لي:

مِن خِلْقت الدنيا! وانا قلبي اخضر
ــــــــــ شاعر، واحب الزين، و آحبّ الاَهلي

شعر الغزل!: فنّ، و ترانيم، و اِيقاع
ــــــــــــــــ وْمن روعته! ما يتقنه كلّ شاعر

يسلّي الخاطر، و يِطرِب للاسماع:
ـــــــــــــــ نشوة عروق، وْ دَغدغَه للمشاعر

تدوم الرياض بْخير.. وانته عساك بْخير
ـــــــــــ يــَ اْلمتمكّن, الفتّان.. يــَ اْلبلسَم, الجارح

وصلني خبر مُحزن مع الصوت, والتصوير
ــــــ وِشْ اِعلومك انته؟.. مِنشغِل بك من البارح

كلّ ما ناظرْت عينك!،

صرت كلّي فيك اتوهـ/
و آتأوّهـ،

مير ياقلبي:
عسى ربّي يعينك

مع غيبتِك! ما ينفعِنّ المعاذيِر
ـــــــــ يا ويل قلبي مِنْك/ يا بَريْ حالي

بُعدِك وهَجرك! ذَنْب يحتاج تَكفير
ــــــــــــــــــــ إذا تبيِن تْكفّرينِه! تعالي

ليا سولَف معي! تطرَب له اسماعي
ـــــــــــ سوالف يحتسيِها الصبح بِنّ/ وْ هيَل

عذوبَه تختفي مع طَعمهاْ اوجاعي
ـــــــــــــ كلام الحُبّ.. ماهو هَرج قال/ وْ قيِل

سهران.. والحرف مع غيبَتْك يَكتبني
ــــــــــ يا مِتعِب عْروق خفّاقي, و مشقيها

دخيلك اِرفق بــ روحي, لا تعاتبني
ــــــــــــــــ مِن آخر الليل!, ولاّ منك الاقيها
!!

يفِزِّنّ القصايد مثل اصايل خيل
ـــــــــــــ تجامَح جوف صدرٍ لَجلَها ميدان

ليا حاولت اهَدّيها! تشِدّ الحيل:
ــــــــــ وِش آسوّي ليا صارت بدون عْنان
!!

مع روعة الجوّ! يبدا للشعر حَرفِه
ــــــــــــ خَليط يَجعل دفاهـ! يْتوهـ في بَردِه

مدري أنا مع مَساء الخير يا تَرفَه:
ـــــــــ أهدي لك الورد!.. ولاّ اْهديك للورده
؟!

وشلون تشتاقين للشمس يابنت!
ــــــــــــــ والشمس تشرق للبشر من جبينِك

يَهمس لِك الإشراق: لولاك! ما بِنت
ــــــــــــــــــ وْ هَذا يــَ حلوهـ سِرّ بيني وبينِك

الجوْ! يحرّضني على طلعة البَرْ
ـــــــــــــــــ ماهو بــ جوّ اسواق ولاّ ملاهي

على رِقِبْة التيس " بِسم اللْه اكبر "
ـــــــــــــــ وْ على الجمر يِطرِبك برّاد شاهي

إعرف ترى الحَرف! حرفك, والشِعِر! شِعرِك
ـــــــــــــــــــــ تقول: لولاك يا مزيون وِش حِنّا؟!

يتوهـ حرفي مع انفاسك, و مع شَعرك
ــــــــــــــــــ خَليِط مِن دِهْن عُود, وْ ريِحَة الحِنّا

قلبي, وفكري, والشعر! يَبغونِك
ــــــــــــــــــ فيها شغَف طاغي تجيك الليله

وِش قلت!.. اجي, وآجيبهم لعيونك؟,
ـــــــــــــــــ ولاّ اْقفل الميدان, و اربط خيلِه
؟!

الحُبّ! أفيون القُلوب

الصوره! محظوره

يامرحبا حيّ هالشوفه و هالطَلّه
ـــــــــــــــــ يا مَن تميّز بــ نظرتها, و عِفّتْها

قلت انتي الذوق طبعك, والحلا كِلِّه
ــــــ وْ من الخَجَل! عَضّت اِصبعها بــ شِفّتْها

في قلبي! لِك مُلْك/
وْ كُرسي,
و عطر/ وْ وَرد/
وْ شمع/ وْ حُبّ..

كلام المُحِبّ/ العاشق,

مو كلام السيّد
مُرسي