(( تواقيع الاعضاء - 17 - ))

لو اتّبعنا ماورد من بعد آية (والعصر)
مانخسر الدنيا ولا نخسر ثواب الآخره

صدقت يا أخي \ فالح المصعوك

أنا محرنّي أستودعكم الله ياهـل المرقـاب
حوالي تسم يوم ويمكن تعوّد لتسم اسبـوع
ولكن سامحوني واصفحوا يامعشر الأصحاب
تراني في الحقيقه دائم أغلط والغلط مرجوع!
وأنا طالبك يارب الملا يامسبّـب الأسبـاب
توفقني طريق الشرع لين أكمّل المشـروع

هذا يقوله بلا شك مطوعنا المحبوب ومفتي الديار المرقابيه

وبدورنا نقول: عسى الله يوفقك التوفيق المبارك ويهئ لك اسباب الرشاد

ونتمنى ان يتمم الله اللي في بالك على خير ..والوكاد انّا نبا نفتقدك ان تسان

يوم ولا اسبوع ولاتبطي علانا

^
^


الله يوفق ابو عتيق .. ويبارك له في حياته ..
الرجل مقبل على إنجاز عظيم ..


,

لـ عبدالرحمن بن حمد .,



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

شكرا على اغلى هديه تحمل اهدائك=هديتك غاليه ., وانته بعـد غالـي
وهبك ربي سمـو الفكـر , وآلائـك=تسمو عن الاول .. وتفرق عن التالي
على سبيل المقـال إزدان بإمضائـك=واسكنت الابداع في فكري وفي حالي [/poem]
^
^
هذا توقيع .. الأستاذ / عناد النفيعي ..

يا طيّب القلب يوم أنّي فتشـت القلـوب
الرفقه الوافيـه يضـرب بـك أمثالهـا
كم صحبة ٍ لا أحتمت شمس القوايل تذوب
وصحبتك صم الصخر يكسر على جالهـا
جنابك السمح ما شفنا به اللـي يشـوب
منك المكـارم تبـثّ ونلقـط إرسالهـا
يا الغالي الوافي الشهم الكريم الرحـوب
شخصيّتك فـي زمنّـا قلّـت أشكالهـا
سبحان من يلهمك عند اللـوازم تنـوب
حباك نفسٍ كسبـت النـاس بخصالهـا
تحمل مزايا كثيـره يـا قليـل العيـوب
جمايلـك وأنـت راعيهـا وجمّالـهـا
مثلك وشرواك يثّر في حيـاة الشعـوب
وأن قيل من قالها قـل صاحبـك قالهـا
يا ناصر الهاجري عسى فـداك الكـذوب
والله مـا أحـطّ المـدوح إلاّ بمنزالهـا
عز الله أنّك زعيـم مكمّليـن الوجـوب
ننشر لك البيض وأنـت موثٌـق حبالهـا
تشهد لك أهل الشمال وتشهد أهل الجنوب
والكلمـه الصادقـه تذكـر وحنّـا لهـا





ياحلو الوفاء من اهله حلواه .,

قسم بالله انه يستاهل ياسداح وقسم بالله انك تستاهل انت بعد .,

سلامي عليكـ .,

ياللي على الخاص لك يومين ترسلـي
نصيحتـك كلهـا مـاهـي بمقبـولـه
يوميـن بليالهـا وانتـه مثـل ظلـي
ابلشتني .. ياهـل المرقـاب قولولـه
احسن لك اتروح عني ابعيد واحسن لي
البـال مشغـول والافكـار مشغولـه
يوم امدح اهل الوفاء وش مزعلك قلي
ان كان عندك كـلام ٍ غيـر ذا قولـه
من شان ازيدك زعل واطفّشك ياللـي
ازعجتني !!مشكلتـك اليـوم محلولـه
الغيتهـا مـن علـى التوقيـع بالكلـي
وفالشعبي الها ثـلاث أليـال منقولـه

لـ محمد بن رشيد

ههههههههههههههههه

الله يعينك وانا اخوك .. ولا يحتاج نقوله اخذها بين عيونه

..

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تحسبنـي بلتفـت يابـن الحـلال=حتى ايش لو بابيت .. واكلت لحمـي
من انكر الاصوات صوتـك لاجـدال=افهم .. وفهمها لغيـرك يـا آدمـي
خذ راحتك في كل وقـت وكـل حـال=انا ما اشوفك غير من تحـت قدمـي
منته برجل .. انته من انصاف الرجال=والله ماتسوى طلقة ٍ مـن محزمـي [/poem]



ياسلام .. لقيته في مربع توقيع
سلطان المرقاب / عناد النفيعي !

السد لو ماباح لأغلـى المخاليـق
مارحت أبيح السد مع كل رجال . !



ياسلام يافراج القرقاح

سلام علاكم


اقول يا سلطان الاسيمر انت وابن قشعم واحد يقول زعيم المفحطين واحد يقول مفحطنا الاكبر والله لو يخاويني منكم واحد من الشرقيه للرياض ليموت غبينه ابكم والله ما عمري عديتها 100 بالسرعه 120 اعتبر روحي منتحر مار قدر الله وما شاء فعل
اما عاد من ابمحط بتوقيعه هنا فهو الاسيمر راعي السفريات وبناطيل الجنز اهب والله وكشخه بعد بالجنز

صمت المكان اللي جرح روحها صب "
" على وسـادة هالفـراق وجرحهـا
تذب عطر السالفـه كـل مـا هـب "
" ريح الكلام وصدي أكثـر فضحهـا
مدري غلط صديت او ما بها طـب "
" ذكرى السكوت اللي كتبت ومسحهـا
تفرعنت من جـد شيطانـة الحـب "
" حتى تعوذت الغرور و ( كسحهـا )
تشيل كبر الكفُر فـي سلـة إعنّـب "
" وحلفت اشيّلهـا الغيـاب وطرحهـا

توقيع عسل يا سلطان

^
^

عندكيهم يابومناور ، ورّهم الدرب !


/


البدو ماضيهم شيوخ وسلاطين
ماباقي الاّ ذكرهم والقصايـد

وهذا للعادزل اللي مايمشي غير ميه بالميل / سعود مناور

سلام’ عليكم

وقفه ومحراف :==






ياحبيبي .. والله ان القلب .. قدهـو
ايتمرجـح .. والهبايـب تستـفـزّه
لي متى والعذر .. (جلّ من لاّ يسهو)
عقب ما كنّا على .. طيـب ومعـزّه
منهو اللي همّش الاحساس .. منهو
لا تقول انها .. الظروف المشمئـزّه!

الادمي هذا مسلّط

عبدربووووووووووووووووووووه

وين كم يوم كم سبوع وش العلم

تراي ناوي اغيب سنه مار عاني رديت عشانك وهالحين بتنحاش لا ابد غير والخيّر يغير

اما المحطه في هالتوقيع الوداعي يومي اسبوعي يا سلاااااااام شفلي من قريحتك توقيع لي سنوي لاني ناوي المغباش وعلى الله التياسير

أنا محرنّي أستودعكم الله ياهـل المرقـاب
حوالي تسم يوم ويمكن تعوّد لتسم اسبـوع
ولكن سامحوني واصفحوا يامعشر الأصحاب
تراني في الحقيقه دائم أغلط والغلط مرجوع!
وأنا طالبك يارب الملا يامسبّـب الأسبـاب
توفقني طريق الشرع لين أكمّل المشـروع


عبدربووووووووووووه الداهيه

^
^
ابك انت مكررٍ التوقيع الله يعافيك ،،،
وبعدين تسيف اشوف لك من قريحتي ،
هذي ماغار معاوني علاها واحد ، اسكت ساتست !


........


انـا بليـت ابمشكلـه مالهـا حـل
وان حلّهـا ياسـر عطيتـه هديـه
ألي ثلاث أليال ما اخرج ولا ادخل
في منتدى المرقاب .. وش هالقضيه
ولاعاد لا استقبل ولا عاد لـارسل
كنّـي مسـوي مشكلـه عالمـيـه
لو ما اتصالي خابره له سنـه فـل
لقول .. حاصل فيه علّه قويـه !!!
لكن هاتوا حلّ.. وان ماحصل حـلّ
والله لأ شكيكـم علـى الداخلـيـه


محمد بن رشيد هههههههههه
المشكله اعتقد ان ماسلم منها احد ، واول ماطاح فيها المصعوك ومحاتسيك !


يزينها الله وتزين

لـ سداح
وقفة فضائية
وبالوعود موثقة ومروية



جينا نرود الفضـا والنـور قايدنـا
ونحط بين القمر والشمس ماريّـه

وعلى نجوم السماء نصنع قلايدنـا
ونعطي لمدلولها بعـض الحيويّـه

يا اللي تدوّر عن أهل الشعر شاهدنا
علاقة الشعـر بالمرقـاب طرديّـه

وحنا لتوثيقهـا هـاذي سواعدنـا
برامج موثّقـه وأخبـار حصريّـه

نهدف بمجهودنـا نحفـظ عوايدنـا
ونصون كـل المفاهيـم التراثيّـه

لنا عن الغير مـا يثبـت تواجدنـا
من بـدّ كـل القنـوات الفضائيّـه

ومشاهدتكـم تشرّفنـا وتسعـدنـا
جمهورنا من مكاسبنـا الحقيقيّـه

دايم على شاشة المرقاب موعدنـا
والبثّ ما ينقطـع والذبذبـه حيّـه

؛






وهنا تصغير أخر للشعار ,,,



؛

الا يارفيق ٍ كل مسجد تصلـي بـه
وتهجد توال الليل تستغفـر وتوتـر
ومن قام من عندك تشذّب عراقيبـه
وتعطيه قسمه قبل ما يركب الموتر
توقع ترى الحسنة تلاشى مع الغيبة
ترى كل ما سويت محسوب ومفوتر

لـ مشعل فالح الذيابي

...

اثر الرياجيل تفرق بالمـدى والعـزوم!!
والطيب كايد ..وحزات المواقف .. (محكّ)
احد ٍ على اطرف سبب.. ماعاد يقدر يقوم
واحدٍ لو تسكّر.. الدنيـا بوجهـه ضحـك

الشاعر المبدع / سلطان بن بتلاء

بيتين عن قصااااايد

ثلاثة اشهر ., بصوت ياسر محمد العتيبي .,


هذي في توقيع سلطان الشعر ( عناد النفيعي )

ياسلااام ياسلااام على الصووت وعلى القصيده

والله مايوجع تسبـود الرياجيـل
غير العلوم اللي على غيـر يمّـه
اقولهـا والهـم غنـا المواويـل
وافز مع قلبٍ زفر كـل .. دمـه
يالليل وش خليت يالليـل يالليـل
راحت حياتي .. بين ذمه وذمـه
شفت الجمل ماعاد له قدره إشيل
والحظ طايح .. مقدر اني اهمّـه
والصاحب اللي عاش بين الاقاويل
مليت من عـذره ومليـت خمـه

للشاعر \ حسين عزام

الله يسامحك يا ابو عتيق : )

شوفوا بعد البحث والتحري وش لقيت في توقيعه

المشاركة الأصلية كتبت بواسطة

اللهمّ اغفر لي ولوالدي ووالدي والدي ومن تعب عليّ ومن له حقُ عليّ ولجميع أخواني المسلمين والمسلمات
وأولادي وأهلي وأهل بيتي ومن دخل بيتي مؤمناً وللمؤمنين والمؤمنات ، عامّة والمرقابيين خاصّه ..
-

-

اللهم امين


بس وش سر التلوين بالابيض

الشاعر المميز ../ عبداللطيف الغامدي


حبّك تجمّع من منابع مزايـاك
من كلّ صوب تصّب فالقلب قيمه


مبدع يابو راكان .. الله لا يضرك

ياللي تبي تعريف معنى الصداقه
ترى الصداقه مالها اي تعريـف!
مفهومها سهلٍ وصعب انطباقـه
عند الظروف وحاميات الصواديف
يبان معهـا محتميـن الرفاقـه
اللي حموها من علو المشاريف
ويبان معها كل راعـي علاقـه
اللي خلطها بين كذب(ن) وتزييف
العود الأزرق ميزته في احتراقه
ولولا احتراقه مايكِرم به الضيف!


لـــ( سلمان المقاطي )