ترْجــمـــﮯــــة احــﮯـــــســا ســـــﮯ .. !

لا تجادلني على معنى قصيدي
.............. اخذ منه الزين والا الشين خله
هي ثمار ابيات جاتك من جديدي
......... باختصار .. ولا وصلك الشعر كله

آخر زمن .. حقك يضيع ويختفي مافيه احد ..
............ والناس في ميدان خالف تعرف اتدق الطبول
كلن على توجهه وان كان ما يرضى جحد ..
............... الخبل الاول زاد في عمره وعقب له خبول
لكن عليهم قمت اردد قل هو اللـه/ ـو .. أحد ..
............. وانا اعرف ان الظالم بعمره ما يلقاله قبول

تعال خل المكابر مـا بقـي حاجـه
ماباقي الا انفجـر واصيـح للعالـم
وصلك عليه احترص والقرب محتاجه
شعوري ابديـه لجلـك والله العالـم

[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تعال خل الامور اللي تضد الكلام = فضفض .. وفرفش ترى الدنيا مداها بعيد
اهمس .. تهكم .. تغنج .. قول لي ياسلاااام =ودي على شان اغيّر جوّ اقدم جديد
نبي نغيّر نظامٍ كان بأخر نظام =ما همنا لو ضحك قلب البليد .. لــ / بليد
هذا الغرام ان تجدد .. ماعلينا ملام =ليا فعلنا إتكيت .. وطاب ليل القصيد [/poem]

ترى الغلاء .. قسمه .. وحظ .. وتوافيق
.................

والا الهـوى لـو ازفـره مـا شهقتـه

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أدري بك تحس ّ لكن حظي مكوّع = وافي .. لكن ضيقتك تقضي على الصفوه
جمر الوله في حنايا صدري يروّع =كنـّـه يوصا على جفني عن الغفوه
لوّ الألم شخـّـصه دكتور ومطوّع =علاجي بــ/يـدْك مهما زادت الجفوه
[/poem]

قلبي واعرفه ما يطيع المشوره
....... والاّ تلاقيني من ايام ناسيك
ياللي عليك الشعر يعلن حضوره
.......... كل البيوت الشارده عينها فيك
اكتبك جمله شعر وارسمك صوره
.... واجيبك بحرفي واصوغه و اوديك
صحيح في سير المحبه خطوره
.......... لكني بكل الاحاسيس مغليك
عاشق ويسترسل بحبك شعوره
..... قنــّـاص لكنه عجز كيف يرميك
يغليك ويترجم غلاك بسطوره
...... ويقدم الغالي على شان يرضيك

والله اني يمك اموح وهجوسي تجول
....... بس لامني وصلتك تعرضني جفاك

منك صدري زاد ضيقه لكن ماني ملول
.... انتظر متى سواتي توضح لي وفاك

قبل تحجب شمس الامال ويحين السدول
... شوف بعيونك وش اللي حصلي من غلاك

كلن تهـنا بنومه وابتدا السـاهر

.... يكتب على صـفحته في ليلـه المعتم
ما بين نبض الحنيـن وفكره الماهر
..... خياله يطير ويوقع كما البسـتم
شاعر ويرسم بريشة شعره الضاهر
... احداث تعلن بيوت الــشعر لو يكتم
ما بين هيبة خبير وجــرأة مجاهر
... عفو المسامح .. ليا صار الغبي يشتم

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


سولف ترى همي يلج بحناياي = ضايق ومتعومس ولا ادري وش اقول
اضيق يوم اطلع وازيده وانا جاي = ولا ادري من المسؤول في حكم مسؤول
قبل امس اجي يمك ليا طاب ممساي =واليوم اجي يمك من الضيق والهول
[/poem]

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري ورى الموعد الي طاف والا بعد = بس الاكيد الخطاوي كلها تايهه
لولاك تسوين ما ضليت لجل الوعد = والا ّ انتي الهم كله .. منتي بتافهه
احرص على جيتك .. و أوله لوجه السعد =ومن ينصح القلب عن محبتك سافهه
[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

البشاره .. بالخبر ويش البشاره =يوم راح الفايز الله لا يرده
شايب ٍ ما واكب اطوار الحضاره =مستلمها من على جدي وجده
بس ليت اللي قلع عنا مساره =قبل يرحل حقق بما صيغ ضده
عقب دمّر كل مجهود الوزاره =ليه يرحل قبل يوقف عند حده
لين ياخذ عبره الي في جداره =يوم منه استامنوا من كل شده
أعبثوا بحقوقنا في كل تاره =بعد ما كانوا يضدونا بسده
ياملكنا .. والقرار اكبر بشاره = بس باب الظلم جعل الله يلده
[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

هب يا وقت ٍ على الفرقى حداني = الله انه يكفي الشر ويكفه
والله اني مشتكي ميلت زماني =من مطفه في مطفه في مطفه
المفارق صعب .. والمجمول اناني = ما عليه ان ميّلت كفه بكفه
يوم له سلمت روحي ما عطاني =مادرى ان القلب بيدينه يلفه
احتويته لكن اقفى ما احتواني =العهد به يوم لوّح لي بكفه
كنت أحسْب إنه على قوله يباني =لكن اقفى كنه مقيط ومهفه
بس لن جات الحقيقه لو نساني = والله ليبطي قبل ريشه يضفه
ما يلاقي لو يدوّر شخص ثاني =واحد مثلي على كيفه وشفه
احفظه حفظي لــ/ اسم قعدت اخواني =وانتظر متى يجي كفي بكفه
[/poem]

[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياكثر شرهاتك .. وانا مغرم ٍ فيك =وياكثر ما تقسي عليّه واسامحــْك
ماتدري انك مالك ٍ قلب مغليك =اللي على ميزان حبه مرجحــْك
يرفعك من صدقه على اللي حواليك =يسريك ليل .. ومع صباحه يصبحــْك[/poem]

لا تقول إنك من القلب من جيتك رحت
........ انت مستوطن بديرتك بسم الله علاك

اغتبقت من الغلا في خفوقي واصطبحت
... واستحليت الحمى ما احدن يقرب حماك

بين ضلعين ٍ تضمك وباسلوبك نجحت
.... واصبح اللي وده يصير من دونك وراك

السعاده .. يوم تقبل عليّ وتبتسم
...... والكآبه يوم تزعل ولا تقبل علي

اقسم بربي وانا صادق ٍ واقسم قسم
...... ماتحدّر من عيوني ولو جبت زعلي

الحظ له دور والأيام دوّاره
....... ليا نكبك الزمان وثارت العجه

كم ناس ٍ تعزها ومع اول الغاره
....... تغيّرت بين ذو القعده وذوالحجه

إنتظرتك لين ملّ الصبر مني
........... في تهاتيه الظلام الخرمسيه

بين شهقة عقلي وزفرات جني
.......... يلعب المسحوب ضد السامريه

ضاق صدر وطاح دمع وقمت اغني
.......... في حراوي همهمت بنت العبيه

يوم تقبل في طريق الوصل كني
.......... مالك ٍ للمملكه والفيصليه

ليت الليالي تعلمنا قبل نبدأ
.................... قدام لا ندرج الاقدام ونهوّن

دام الوفي له قيم ولمنهجه مبدأ
.................... تاريخه بسيرته محفوظ ومدوّن

ليا غلطنا تبين الصفحة الربدأ
.................... لكن وش الحل عقب ظروفنا سوّن

الله يكافي ليا جت علة ٍ هبدأ
................... تعجع بعجة ٍ بالجو وتكوّن

لازم نفكر قبل في سيرنا نبدأ
.................. ترى الكوارث تمد الحبل وتموّن

الخساره مهيب آخر مطاف
.......... عاود ليا انهزمت وتنتصر

الابتسامه مثلما قال الرسول
........... صل الله وسلم على سيد البشر

حديثه مثبت وسيدنا يقول
........... صْدقه .. عسى الرحمن يكفي كل شر

راسي طويل ولا نطحت الرواسي
...................... وصدري وسيع ولا تضايقت من شي

احيان أسوي شي ماهو براسي
...................... واحيان اعيد انفاس شخص ٍ ماهو حي