مرسى ( هاجوس فكري )

مرسى
رقم 148

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نوِّر سماء ليل السهر وانعش الروح=اللي ذوت من قبـل يظهـر قمرهـا
شهقة فرح يوم القمر صار له ضوح=تفـداه روحٍ غاليـه يـوم أسرهـا
انا دخيل الصمت اذا كنـت بتـروح=الروح معك وخذ جسدهـا بأثرهـا [/poem]

مرسى
رقم 149

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ذكرى تزوي القلب في جوفـي زوي=و الأحاسيس اشغلت قلبي وبذت خفـاه
مادرى إن النبض في الصدر غادٍ له دوي=والعمر يمضي وباقيه صابر في رجـاه؟ [/poem]

مرسى
رقم 150

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إليا نزل من غيم حبـات بـردي=يلقى ,كفوف اللي نزوله تحتريه
يا ذا البرد وشلون ماحاشت يدي=ولا لقيتـه فالمتاجـر واشتريـه
وليت الثريا تقترب يـم الجـدي=يمكن تشوفه من على بعد وتجيه
ويالاعب الشطرنج حذراااك نغدي=لا تحسب ان اللعب بين أمه وابيه
حتى سويداء القلب اقدمها فـدي=والريح عاصف والموده تقتفيـه [/poem]

مرسى
رقم 151

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دخيلك يوم وجهـت المنايـا بالسهـم حرّيـف=عبر طيفك, وانادي لك والـوّح لـك بملواحـي
احب عيونك اللي كنها تضـرب بحـد السيـف=تفج ضلوع صدري واختلج صدري ولك صاحـي
اعبر بالقوافي من مشاعر شاعر اخـذ الكيـف=تفنجل واطرد عماسك من المجنـون للصاحـي
انا مجنون شعر ولي مع امواج البحر تجديـف=ما احد يزعل من المجنون في توصيف الأشباحي
ما دام اني عطيتك عهد وافي والعهـد ياحيـف=من يعاهـد بليـل ويخلفـه فـلاّج الأصباحـي [/poem]

مرسى
رقم 152

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو يصغي السمع للضوضاء تفجـر صـدور=ثم قلت صم الأذانـي خيـر مـن مسمعـي
مانيب قاصر شبر لو كثـروا اهـل الشبـور=ولا نيب زايد شبـر عمّـن تصافـى معـي
درب الردى مغلقـه عـن كـل كذبـه وزور=والبـاب مغلـق عـن الأشـرار ومشمّعـي
وصفحة بياض من احاسيسي وصدق الشعور=علن علـن مالهـا تحويـر فـي مجمعـي
يا اصفى من المزن في الوسم إن تحدر حدور=واصفى من النبـع فـي زمّ العـلا مطمعـي
وإن خاب حسن الضنون اقول ماجاء قصور=و اصد عن خط سير, وللنداء مـا اسمعـي
عشق الصبابة يشين ليا بـداء بـه فتـور=و اخشى لا اكون الفتى واحـاور الأصمعـي
قوس الربابه بصدري واشتكى منـه جـور=والمستحيل إن مـن عينـي تسيـل ادمعـي [/poem]

مرسى
رقم153

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اهوجس والهواجيس اشغلتني يوم ضاع حساب=وابا اصدق غريمي لو يزود شـوي بحسابـه
هدر لسنين عمره من يقصـر مافتـح لكتـاب=لو ان الحب في دمه ويسقـي دمـه اعصابـه
يقولون العوارف شيب عين الرجل لو ماشـاب=تجارب فـي حياتـه ماتشـد لبيتـه اطنابـه
لو ان الحب لهل الحب مسرح صادق ونصـاب=لكن يبقى الوفـاء ماكنـه الا ضافـي ثيابـه
علامك تستثيرين المشاعـر والهـوى غـلاب=عليك الله وامانـه مايحوشـك يـوم مخلابـه [/poem]

مرسى
رقم154

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهاجس اللي خذاني معه في الطوشـة=حاولت ردعه لكن الفكـر بـه طاشـي
جادلتـه وحجتـه ماهيـب مغشوشـه=و في مفترق طرق هو ماشي وانا ماشي [/poem]

مرسى
رقم155

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تفوح القوافي كنها في الدلال بهـار=مع البن الأشقر للعمس صارت اطبابه
وتعلا القوافي في السماء كوكبٍ دوار=تحاور مع السمّار وتلاطـف عتابـه
وتمنى القوافي جوها ما يجيه غبـار=ليا هل ودانه على السيـح وهضابـه
جزيل القوافي يحتمونه هـل الأنظـار=عن الغث يرفع والشويعر تهقوى بـه
وعبير القوافي عودٌ أزرق على الحضار=ليا حط فوق الجمر ثم فاحـت اطيابـه
مناجى القوافي صوت والأوردة قيثـار=تناغم معَ نبضـه والألحـان تتشابـه [/poem]

مرسى
رقم156

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي اهلّـي بمـن أشفـق لجيّاتـه=ولا ودي إن العذول تصير له حجـه
و ودي عن احواله انشد ليه غيباتـه=ولا ودي الفت نظر من طار في العجه [/poem]

مرسى
رقم 157

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فايح شذى ورد الخزامى عقب ماجاه المطر = يبهج قلوب مع النظر ما بين روضه و الزهور
تميل و ان هب الهوى اغصانه و يثلج للصدر = يزيل همه والكدر في جوه افراح الصدور
يبتل من قطر الندى وفاحت رياحين الزهر =الروض يطرب له فرح و صدور تشهق بالعطور[/poem]

مرسى
رقم 158

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عانقت طيفك وكل اللـي بغـى منـي = ما اقطع وصاله ولا اعاتب ليا غابـي
ما ادري وش اللي نوى والطيف يفتني = في نظرةٍ منه غصب يريّح اعصابـي[/poem]

مرسى
رقم 159

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هب نسناسٍ من الغرب منه العود مـاد=وانثني والـردف تلـه وهـزه وانتقـه
انّتق هافي حشا الترف واستعدل وكـاد=غصن مثمر واستوى لي ثماره واورقـه
هد سرعة سهم عينك ليا جانـي عمـاد=مابقى شيٍ تصيبـة وصـدري مِحرِقـه
عقب اخذت القلب باقي من الصدرالرماد=هو بقى لي قلب حتى ان غيرك يعشقه؟
كان , لي قلب ٍ خضر قبل تنوين الحصاد=اعرف انك ما حصدتيه غير مـن الثقـه
واثقه عقب امتلاكه محـال انـه يعـاد=اتجاهه يمـك مـن الغـروب لمشرقـه [/poem]

مرسى
رقم 160

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يدور الزمان وينكشف ما احتواه الغيـب=و سراير صدور, الوقت ينسف خوافيهـا
وتبين الحقايق عقب ما وصل يأس الطيب=صباخ الأراضي ما يبيـن الثمـر فيهـا
لو يزود جهدك والمبادي لهـن توجيـب =بعقلية اللـي قـاس حاضـر وماضيهـا
الا يا شواطيء ساحل البحر الأحمر عيب =يشبّه بك الغدار و قلوب تدميها
و الا يا جبال(ن) من حقل شامخات و نيب = ليا اقصى جنوب الحد تمتد اعاليها
و الا يا صحاري تطّرد من وعر وشعيب = تذارف مكاحلها لذكرى لياليها
و الا يا خليج (ن) منك صافي اللآلي جيب= على صخرة المرسى تهاوت مباديها
تزامن هجوس العشق مع كلمة الترحيب =و تراقص شرايين المعلق يناديها [/poem]

مرسى
رقم161

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا لاعي الورق جيت ءعصيـر عمسانـي=وسج القدم غيـر عـن فكـري وسجاتـه
يوصل مسافات منهـا تشيـب الأذهانـي=ياليـت فكـري يقصّـر مـن مسافـاتـه
يرسـم خيالـي تصاويـره علـى شانـي=و إن شفت بعض المواري , ما اجمّع اشتاته
يضيق صدري ويفـرح بعـض الأحيانـي=والغيب مااحـدٌ كشـف مضمـون طيّاتـه[/poem]

المرسى
رقم 162

سألني الأخ الشاعر
ناصر الشريف
ذات يوم حيث قال :_
,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بار الثمر بعد ما ماتت عروق الشجـر=هبت عليها الرياح وشالـت اوراقهـا
اكيد عندك يا راع العرف وجهة نضـر=ويـن الـدلال ومسويهـا وذواقـهـا
اللي من اول على ما قيل تنحت صخر=واردى البضايع ما تجلب داخل اسواقها [/poem]

,
,

وقد أجبته بهذه الأبيات
,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اكيد موت العروق اكبر عيوب الثمر=ومن لا عدل ريّها الأثمار ما ذاقهـا
هنا مسوي دلال الكيف فوق الجمر=مير البلا من تذوقهـا ولا ساقهـا
المعركة حاميه والسيف فج النحـر=ويا كثر شمط اللحى بيدين حلاّقهـا [/poem]

مرسى
رقم 163

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عطاشا يا سنين العاطفة في سكة الترحـال شـد ارحـال=على مرآى النجوم ولا لقينا اللي ,, علـى دروبـي يجارينـا
انا و حروف اجمعّها وتتبعثر علـى القمـة لهـا مـوال=تنادي سـاري الليـل العتيـم اللـي ,, بفنجالـه يقهوينـا
و أخذت الطرس سجادة ومحراب القلم غنى وليلـه طـال=يردد ما اطولك يالليلنـا اللـي ,, فـي رحيلـك ماتواسينـا
تميل اغصان خضر ان نسنس الغربي وقلبي مع ميوله مال=و اعرف اني على مبداء الفهيم اللي ,, على صفوه يخاوينـا
رصدت إعصار من خلفه غزالٍ ما تلف شعورهـا بالشـال=تبي تسبق بخطوتهـا الزمـان اللـي ,, يفرحنـا ويشقينـا
وعلى كف السراب الكبد ضامي والمزون بحملهـن ثقـال=بلا رعد وبلا برق الخيال اللـي ,, نشوفـه فـي مضامينـا[/poem]

مرسى
رقم 164

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا قل من هم يحفظون الوقـارا=للشيب والشيبان في وقتنا اليوم
زامت نفوس الناس لجل المهارا=وكل على طبعه يبا يطيح ويقوم
الموت كبروا سن لكن صغـارا=ءعقول مفترة و في بحرها تعوم
[/poem]

مرسى
رقم 165

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راس مالي يـوم بينتـي خفـاي=حرف شعر بدون شـرٍ مستطيـر
شخص عادي يوم اوصّف مستواي=لا اميـر ولا وزيـر ولا مشـيـر
صح انا ازعل لكن بسرعه رضاي=ما احمله في النفس لو انه كبيـر
من عوايدنا الصفح غيـر لعـداي=والعدو في الدين ماله من مجيـر
و في الوطن نجد العذيه هي سماي=لو صحيح ابعدت للبحـر الغزيـر
وشاسعات البيد احث بها خطـاي=عن مجالس شر ومجالس شريـر
ومع نجوم الليل يوم اطرب غناي=يسمعه من كان له سمـع ونظيـر
وللقلوب الغلف ما اوجـه نـداي=لو يقال الكسب في مـدح الاميـر
صادق الاحساس ما اطلب فيه راي=ما احدٌ والله ف/ احاسيسي خشير
من نقد ينقد وانـا يكفـي رهـاي=ان بغيته زود والا ءبـه استخيـر
في صفة مغرور عنـد الله عـزاي=يعلم ان الكبر في نفسـي حقيـر
[/poem]

مرسى
رقم 166

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من لا مني في الغلا طاحت موازينه=ماهمني في مـلامٍ منـه وعتابـه
يامهجة القلب يا بلسـم شرايينـه=كل الصدر بالغلا لك شرّع ابوابـه
الصدر ضميـه ويضمنـك يدينـه=ضمة غلا صادقة ماهيـب كذابـه
لو تنحشر دمعة الأشواق في عينه=عليك خايف ويخشى الغيب بكتابه
غلاك ماينتزع ما دامـت سنينـة=العمر يا من خلقك الله من اصلابة [/poem]

مرسى
رقم167

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تمنيت تشرق بسمتك في سماء دنياي = احاول فرحك ولا ابغي الهم تشتاله
و عن الهم والإعصار كوّنت لك مرساي = زرعته مروج ازهار والري شلاله[/poem]

مرسى
رقم168

[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلّك مثل ما انته من اليوم والعام = لجل العذارى تبيع كل الاصاحيب
و ارخ السموع لكل واشي و نمام = يلحق ورى الغايب بشذب العراقيب
وصل اعترافك بالحقايق والأختام = و إن مت في عيني ترى موتك صعيب
من نفسك بنفسك صدر حكم الإعدام = بيّن خفاك ولا تزيد العذاريب
و العلم وصلك و انت خابرك ضرغام = وما عاد لك عندي حقوق ومطاليب[/poem]

مرسى
رقم 169

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابتداء مشـوار وصلـك لا تعيقـة=و الخطر في درب وصلك وانت داري
مار عطني للوصال اسلـم طريقـة=قبل اجيب العيد واصيـر انتحـاري
يربح المليون مـن عانـه صديقـة=و الا انا مانيـب للمليـون ضـاري
و يقتبس هـذا وهـذا مـن رفيقـة=و اقتباسي بالبداوة جـاء جبـاري
زرت يومـاً ايكـه هـذى حقيقـة=يـوم غنـا للألـم طيـر الكنـاري
و من ملك يمشي بخطـواتٍ وثيقـة=و انت وثق خطوتك و اخذ القراري [/poem]