كلام القوافي

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
المدح دافع معنوي بس باسلوب=ماهو على ايّا شيّ تمدح وتثني
عدّ الجميل وصدّ عن كلّ عذروب=الادمي بيديه يزرع ويجني
وان شفت حبّ وجيه ومباغض قلوب=لاتترك الشيطان لو قال دعني
أصلح مابين اثنين والاجر مكتوب=تملك قصر في جنّة الخلد مبني
[/poem]

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
تبغا الصحيح الوضع ماهو طبيعي=صحيح نسمع بس من عيّن وشاف؟
بالغرب نصراني وبالشرق شيعي=وحنّا وسَط والسيطره عبر الاطراف
[/poem]

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
كل التقدّم وازدهار الحضاره=موجود لكن في حدود الفضيله
راع الشطاره كل شغله شطاره=والا الهبيله طول عمره هبيله
دربٍ عدال ودرب فيه استداره=واللي براسه عقل عقله دليله
أحدٍ يسير ومستقيمٍ مساره=واحدٍ طريقه لامشا فيه ميله
لكنّها دنيا حلاها مراره=مافيه احد طول العمر تستويله
الحظ رجوى والمكاسب مهاره=والنصر غايه والمعارك وسيله
ضرب المثل يكشف صريح العباره=اسمع قصير الهرج واترك طويله
[/poem]

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
ياكاتبه في خافقك ذكرياتي=أنا كتبت بخافقي ذكرياتك
أنا حفظتك جوف قلبي وذاتي=وانتي حفظتيني بقـلبك وذاتك
[/poem]

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
ياناشدٍ عنّي وانا في مكاني=انا هنا لي وقفةٍ مستمرّه
تشرحلي الايام بعض المعاني=واخذ مع الاحداث كرّه وفرّه
وان كان لدروب الغلا درب ثاني=لي صاحبٍ ماله مع الدرب جرّه
ياللي وجودك من عجايب زماني=ودّيتني عقب القمر للمجرّه
بالله لاتقفي بقلبي تراني=ماقوى على فرقاك يازين مرّه
[/poem]

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
نبض القوافي وانت يانبض الخفوق=دايم على درب المحبّين اخويا
الحبّ مثل الدمّ يجري بالعروق=طبعاً اذا مافيه نصب ولا ريا
فيه التبادل بين عاشق ومعشوق=وافضل ما فيه انّ المحبّين ابريا
أما محبّه كلها معنى وذوق=ومسيّره على قوانين الحيا
والا بلاش نسمّي الاعجاب شوق=ونصير محسوبين ضمن الاغبيا
البعد بين الحبّ والعطف السبوق=بعد الفقارى عن رصيد الاغنيا
ياهل القوافي سجّلوا حفظ الحقوق=والنعم حصريّاً فقط للاوفيا
والخاتمة عد المخايل والبروق=صلوا على محمّد زعيم الانبيا
[/poem]

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
المجد والدرّه وسمسم واﻻوطان=لهن علاقه مع وصال وبدايه
سر العلاقه بينهن خوة ايمان=تكاتفن على طريق الهدايه
هذي قنوات الفلك خير برهان=على صواب الراي رغم الغوايه
ماهن قنوات السخافه واﻻدمان=اللي لهن تدمير اﻻجيال غايه
ومسلسلات الخبث مفعولهن بان=باللي خذوا طبع الفرنجي هوايه
يقودهن حاخام باشراف رهبان=وبلادهن تعطيهن اقوى حمايه
خلّن شباب اليوم معدوم اﻻيمان=من بنجهن يجيك اﻻنسان تايه
الهرج مايستوعبه بعض اﻻحيان=واحيان يستوعب واﻻحساس بايه
وليارتكبله ذنب ماهو بندمان=يجني وفي رايه ماسوا جنايه
أمّا نعزّ الدين سنّه وقرآن=واﻻ وصلنا بالضياع النهايه
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامرتّبين احداث الايام ترتيب=في جدول التركيز للصدق ذكرى
من يسلك دروب الثقه جنّب الريب=من يكتب الحكمه للامثال يقرا
واللي يدوّر طيب مع مدمن العيب=تبين له نجمه بعد طول مسرا
ومدوّر الزلّه على راعي الطيب=تطلع له الشامه على خد عذرا
من عرّض افكاره لموج العذاريب=شاف الفرح بثياب نكبات كبرى
واللي تعلّم قصّة الفخّ والذيب=يدري ولكن عالم اسراره ادرا
والفتنه اللي بين جسّاس وكليب=مع كلّ وادي شكّلت نصّ مجرا
تاخذ من الترهيب قانون ترغيب=تنثر علاج الجرح وتقـول يبرا
بامكان كلّ الناس تجري تجاريب=شوف العيون يفرّق اوهام قشرا
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أبيات شعري بالغلا تتجّه له=واقوم اوجّه له جديد القوافي
محبّتي للزين ماهي بسهله=أقولها واكتب صريح اعترافي
حبّه خطفني خطف من دون مهله=مشاعري حوله لها سقف ضافي
يمر بعض احيان يمشي بمهله=واقوم اعالج فزّتي وارتجافي
لوﻻي اخاف ان العرب تنتبه له=قلت الحقوني يارجال المطافي
شوفه يوجّه لي مع الشوق وهله=فزة خفوقي وحدها شي كافي
مافيه احد حبيت طاريه واهله=غير انت ياللي كنك البدر صافي
[/poem]

الصدّه اللي تعطي القلب عبره ........ صحـيح شـينه بس فيها فوايـد
ماني ضعيفٍ ﻻزعل ضاع صبره ...... من فضل ربي عندي الصبر زايد
أخذت من دورات الايام خبره ...... واعجبت في علم الصدف والعوايد
مما جعل عندي درايه ودبره ....... واضحك على المصيود لاقال صايد
بعض البشر يحفر بيمناه قبره ...... سـبع الرخا يصبح ....... الشدايد

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
ترجمت لك مشاعري لين ملّيت=ابغاك تفهمني وعيّا غرورك
ناديت لك عبر القوافي وصدّيت=الصدّه اللي ذكّرتني حضورك !
بمسلسل احلامك تحمّست وابليت=ياللي بدور الواقع اتقنت دورك
مرّيت قدّامي ولا تقل مرّيت=مادري علامه مايطوّل مرورك
ماكنّك الا برق مزنٍ تلاليت=تجهر عيون الناس من قوّ نورك
يامتقن الصدّه عسى ماتعنّيت؟=صدّة عيونك ماتمثّل شعورك
مع (القناعه) تنتهي مشكلة (ليت)=ويصير حزنك من دواعي سرورك
[/poem]

ياقصيدي خل بعض العرب عنك وتعال
لايهمّـك واحدٍ يحسب الهرجه قصيد

خل صدرٍ من همومه سريع الاشتعال
وابتعد عن جاهلٍ في نقاشاته عـنيد

لو تحاول بالهـداوه معه زاد انفعال
يحسب ان المسآله كلها رصد ورصيد

والله ان المحترم صعب يلقاله مجال
في زمانٍ مايقدّر هل الراي السديد

الهوى غدّار والعقل ميزان اعـتدال
والتجاهل شـين لكنّه احـياناً يفـيد

والغرور يسبّب لعقل راعيه انفصال
الاكيد احلام في منهجه والحلم اكـيد

[poem=font="simplified arabic,5,darkblue,bold,italic" bkcolor="transparent" bkimage="" border="double,5,black" type=1 line=0 align=center use=ex num="0,black""]
لي هاجسٍ مايشبهنّه هواجيس=يزورني مابين فتره وفتره
وان زارني يقطع بعيد المراميس=ويحط من دون المراقيب ستره
من شان لاتبتر سيوف الجواسيس=مشواره اللي يتعب السيف بتره
من الموده لبّس الروح تلبيس=اللي غيابه بدّل الحيل فتره
مشاعري بضلوع صدره محابيس=والحب مابه نخوه وطش غتره
يالله طلبتك فرحةٍ تزعل ابليس=يدعيك عبدك بين شفعه اوتره
[/poem]

الناس لو رحّبت فيهم وهلّيت
وانزلتهم في منزل الضيف والجار

من زعل منهم قال لك ويش سويت؟
ماشفت منك الا تدابير الاعـذار !!

صلّوا على اللي سيرته كلها خير
أطهر واعز انسان وافضل معلّم

اللي لعدله يشهد الذيب والطيـر
عليه اصلّي كل ساعه واسلّـم

أهل الغرور يعارضون الطبيعه
ينقّــدون اللي يصــدون عنهـم

كل الخطايا في نظرهم فضيعه
الا ليامن الخطا صار منهـــم

أعرف بداية مدخلي واعرف نهاية مخرجي
ولياتشتت شي من فكري على طول اجمعه

هذي علومي كان تبغاها وهذا منهجي
ولياعتبرته لغز فكّر فيه ساعه وارمعه

أسري مع الهاجوس وان ماجازلي مسراه اجي
واللي على مسراي حاديني خذا قلبي معه

أسج عن هرج العرب واقول ياروح اهرجي
وان كان قالت شي من كثر اللجاجه ماسمعه

وانا من القيفان غير التسليه ويش ارتجي
الا رسايل شوق ومكافح فضول الامّعه

قبلي قصايد بندر ابن سرور ومعيض العجي
ماليّنت قاسي ولاصفّت ضباب المعمعه

لكن يارجلي على درب المهمات ادرجي
لاتاقفين الا بمسجد صح ماهو صومعه

يجذبني اسلوبك وتعجبني ملامح نظرتك
واقول عادي ماعليّ اخلاف كني مادريت

وانا صراحه من غلاك اغلي ديارك واسرتك
واسوي الابيات لاجلك وانت للقيفان بيت

متبرمجٍ صوتك بمخي لو تغيّر نبرتك
أعرفك عز المعرفه واذكر كلامك مانسيت

وان كان هلّت فوق خدينك سحايب عبرتك
اعطيك دافع معنوي وارتاح لاشفتك هديت

أقبل تحيّـة شاعـرٍ شعره يليق بحضرتك
وانت البعيد اللي نويت القرب مادري مانويت