منسوب الغرام !

المشاركة الأصلية كتبت بواسطة سداح

السلام عليكم ،


الحقيقه لست ممن يجيدون شعر الغزل
مير ابو ثلاجه حاجز التوقيع والا مكانها في رفوف ثلاجته
بويتات متواضعه على طرق أخمّه وأخطيه ..


[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
حبيبي لا تقيّدني وأنا حرّ وعريب جدود= طليق ولا أعرف القضبان ولاني من رعاياها


لا تربطني تحت حكم الشروط بحبلك المشدود=وتحجزني بحكمك في شروط ٍ ما شرطناها !

أبيك تحبّني .. لكن ما أبيك تحبّني بقيود=علشان المحبّه ما تقوم إلآّ بمعناها

وأنا لا أخفيتها لا بدّ ما تلقا عليّ شهود= تفضلّ وأفتش ضلوعي ودوّرها وتلقاها

تحاصرني وانا ما أرضا الحصار وسيفه المحدود=وأبادرك العتب وتفضّها سيره وتنساها

أصارحك بخفايا خاطري وأقود قلبي قود=وأسلّم لك مفاتيحه من أوّلها ليا أتلاها

وانا قلبي بحبـّك كل ما هبتّ عليه النود= طيوفك قام يجمعها ويكتبها ويقراها

على منسوب دمه قام منسوب الغرام يزود=يغيض وكل ما فاضت عروقه قام يملاها

علامك ليه تحجبني عن العالم وأنا موجود=ما تدري غيبتك حلّت بعيني وأشربت ماها

ترفق وألطف بقلب ٍ بذل لك صادق المجهود= رفع كل البيارق وأنت بعيونك تحلاّها

لو أنّه ما يحبّك في غيابك ما رعاه الدود= يعيش الفقد والفرقا تلوّح له بيمناها

على غصن الجفا علّقت قلبي فـ آخر العنقود=وخلّـيت الهبايب تدفعه في حكم مجراها

لعلّ الوصل يبقا .. والقطيعه بابها مسدود = لو أنّ الحب لغز .. وله رموز ٍ ما فهمناها !
[/poem]

وسلمتوا ،،

الحب لغز مانفهمه وقيوده جايره
وأنت تكتب الشعر اللي لايقل عن الحب وبلا قيود
وكل حرف منك نفهمه ونقراه ونستشفه ويروينا شعر


أستاذي / أبو السدايح كلها
والله والله وشئ أشهد علاه الله إني أحبك فالله
وأحب الشعر اللي تكتبه أنت وشرواك

عانها دوك ياخشم أبوي
والله إن حقك وارد نبيه وتزهاه ويزهاك
لكن مع هالشاشه ماعندنا غير غير ماجاك

تقديري لك ولكل ماتكتبه