ترْجــمـــﮯــــة احــﮯـــــســا ســـــﮯ .. !

ما يبوح الصمت لعيون الكلام ..
............... كلها نظره على رمش ٍ حزين

الجوارح عن تبسمها صيام
.............. كلها محصورةٍ في حاجتين

الحزن والطرف عيـّـا لا ينام
.............. والزمن عمره قساوه ما يلين

كل الجروح المؤلمه مالها قصد
.......... الاّ جروحك .. كنهــا تنتظرني

كن إلك في حياتي العابره قصد
.......... احيا الحياه .. وأزمتك تحتظرني

أمير .. مدري شيخ لكني بخير
.......... هي لامشت في عرقي تعوّد الروح

روح التفاءل قبل لا ياقف السير
.......... واحسّ بالراحه لو عروقي تفوح

الليله اولها تباشيرها غير
........... عادت لي الفرحه وانا كلي جروح

نبرة غلا يازينها تالي عصير
......... حييت ياصوت ٍ على قلبي يبوح

حبك سحرني سحر كنه رع السرك
................ الي على سلك التحدي يوقف

آسترني وانا عجزت أقدر آسرك
................ وانته معي تجدّ مدري تلقف

دورتها لين دارت بي وادارتني
................... مدري وش القصد لكن جعلها خيره

ياما وياما تحملتك على متني
................... وياما ذكرتك بخير إن حلت السيره

عقليتك بالهوى مالت وخلتني
................... متبلد إحساس ،، كسر بدون تجبيره

ابيك كان الليالي معك خلتني
................... وإن قلت مابغاك روح وغيّر الديره

هويت جفواااي والأيام عنتني
.................... والاّ تراني معك ماخلفت بالسيره

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الزائر اللي كلما طرّف الليل =جا .. واستباح المنطقه والمدينه
لو مالقى ترحيب مثل الرياجيل =يقلط بصدر ٍ ما يبيله ضغينه
كنه موصى يبعث الجرح ويعيل =ويكدّر الخاطر ويبحث كنينه
انسا لكنّ يفل بعض المراسيل =ويثير فوضى الحزن عقب السكينه
البارحه عيّت تعدي تساهيل =ليله وفيها الحزن يسحب قرينه
دارت دواليب الزمن والتفاصيل =وحنّ الخفوق لما مضى من سنينه
أثر الهوى لو ما حصل به مواصيل =يبقى يعيد يعيد الذكرايات الحزينه
عادت بي الذكرى بليل التعاليل =ولاحت بعيني قحويانه وتينه
مع جادلاً لو جا بعد جيلها جيل =تبقى مكانتها بصدري حصينه
كانت بليل الحزن شمعه وقنديل =وكنت بسماها نجم ما تستهينه
تقول كيف الحال ؟ واقول بالحيل = طيّب .. وهي تقول بالحيل زينه
كانت لي اجمل حلم ْ .. واغلا المحاصيل =دره .. ولاهيب اي دره .. ثمينه
واليوم اعيش الحزن .. وان طرّف الليل =يجتاح جيش الحزن حصن المدينه
[/poem]

خف من الله لا تخليها زعل
................. ماحصل شيءٍ لجل تعزل علي

كل شخص نعاتبه بما فعل
................. وأنت .. اخاف إنك تدوّر لزعلي

ودي اقولا إنهــا ردت فعل
................. لجل اخليهــا عن الارض تعلي

المســافة بيننا خطوة وعل
................. لا تبعدهـــا .. ولا يدري علي

زهمتك على سحابة الشوق يوم أقبلت
............. وحنّ الرعد .. وامطر من الجفن ديمومه

اشوفك شموخ ٍ في عيوني على ماقلت
.............. إلك جاه .. وإسم ٍ يفطر المجد ويصومه

تقول أرفض الحق المقنن ولا ترضاه
........................ تكبّر على شان الأصل والنسب والاسم

أقول إعقل إعقل .. قبل سلم العرب تنساه
........................ ترى الحق له ميزان والعلم عند الحسم

تزعل وترضاء وترضيني وتزعلني
.................... ولا هزك الريح في عيني ولا هدك

مادام قلبك طهْرْ .. لو كان تشعلني
.................... ياطاير الشوق .. وقت الشوق أبا أهدك

الكبير يشوف من قبل الصغير
.......... والصغير إن شاف شوفه مختصر

السوالف غير والاّ العلم غير
......... الخبر .. على جنابك يقتصر

الزمن دوّار والمعنى كبير
......... وراعي الحق بجهوده ينتصر

دام صدق الذات للشيمه سفير
......... لا تكابر للخطاء ولا .. تصر

ليت التأمل يكمل بي على شفي
............. سرحت في حلمي الطاغي على الواقع

مديت كفي ولا احد ٍ حس ّ في كفي
............. حتى و يمنااااي بيضاء لونها فاقع

التأمل لاعني والعشق جارح
................... وانت تجرحني ولا ترفق عليّه

فيك شوقي ماترك كل الجوارح
................... كلبوها تنبض بحبك سويّه

سحابة مطر في سور قلبك تهل الوبل
........... ولولاك طيّب ما ترجيت مرسالك

توقــّع وفكـّر وانتبه لا يطيح الحبل
........... انا ودي اجيلك واصارحْك وآسآلك

يقولون من صدّق قبل لا يجرب خبل
........... لكن لا تثير السالفه والأمر سالك

اعرْفك حبيب وفيك شيمه وطيبْْ ونبلْ
........... لكن لا تهوّر يوم اسامحْك وانسالك

يااااااسلاااااااااام عليكك


صح كلك


سجلني متابع بـ قوه
//

جعلني ما اعدمك يابن مشيب ..

والله انك غالي ويشرفني مرورك الجميل .

لعنبو موبايلي عقدتني وانعقد
............ حبل صحبتنا ولا عاد ابيها لو بلاش

ساعة ٍ بالضبط وانا انتظر معها وقد
............ إرتفع ضغطي وانا اقوم واجلس بالفراش

مشكله عندي ومسؤولها اضنه رقد
............ لا حلول .. ولا ردود ٍ تجيب .. ولا نقاش

دق رقمك .. و شهقت دقات قلبي
.............. كن رقمك مشترك فعروق جسمي

حبك إيجابي وحب الغير سلبي
.............. صرت كنك متربط في جملة إسمي

ياحُلوْ طَبعكْ ولوْ طَبعكْ تحبّ العنادْ
............ أموت فــ/عنادك .. وجدّك ومزحكْ مَعَنْ

توّيْ أحسّ بحياتي .. فالليال الجدادْ
............ معكْ الغصونْ ارتوَتْكْ من الغَلا وطلعَنْ

حُبكْ تمكنْ بقلبيْ .. وأنت كُلْ المّرادْ
............ وأياميْ الضايعهْ سَاعَةْ لفيتْ إرجَعَن ْ

تروح وتعوّد وانا في محلي
........... حافظك عندي مثل حفظ الأمانه

لو ماحصل واسعدتني في محلي
........... راع العشر ما جاب لجلك ثمانه

اجيك في ثوب المحبه بحلي
........... يالجوهرة ياخلاصة الكهرمانه

متى الوعد يانبض قلبي يحلي
........... مجنونك مواجهك مكسب زمانه

ياصدري اللي يهجه شوقي الطاغي
.......................... كنه لشهب الهموم مشرع ابوابه

يسرح به الهم لين يصوك بدماغي
.......................... لو قالوا الناس راع الحق طلابه

كن ّ الفرح من معايير الزمن لاغي
.......................... زكيت همي ولكن زوّد نصابه

مثل ماقال سداح العتيبي
............. ( حي صوتك ) وحي الله نباه

كان قفيت عني ياحبيبي
............ كنـّي امشي على غير اتجاه

امس واللي وراه بلا مجيبي
........... ازعج الصوت وتضيق الشفاه

مع متاهات حسراتي غديبي
.......... اتحرى على جمــر الغضاه

لين ذا الليل من بعد المغيبي
......... عاد لي نبضي وشــفت الحياه

حي صوتك وحي الله حبيبي
........ يابعد كل من ســـيّس غلاه