تعال نتعلم اللغه القصمنجيه و ما جاورها

[ALIGN=CENTER]هذا درس لغير الناطقين بلغة اهل القصيم وضواحيها ….

الكلمة وقدامها المعنى ونبدأ بكلمة تسذا :

تسذا ... المعنى واضح يعني كذا ولازم تقولها وانت ماد براطمك لتحت


بذا.... يعني بذا . هنا . " حط العشا بذا " يعني حط العشا هنا


مير .... والله الورطه وش معناها ذي يعني لكن (( ترجم يا محمد زيد ))


غديه او غديها .... يعني كوده او كودها ... (( يعني بيفهمون الثانيه هالحين؟ )) مثل ما يقول الابو لولده التسبير " رح ادرس كود اخوانك يغارون منك ويذاكرون " او رح ادرس غديك تنجح باتسر وتطلع دختور ...


صدز ..... يعني صدق والا صدجيه يعني صدقيه


زلابه .... يعني بطه مالها معنى ثاني


دلخ ,,,,, غبي (( مثل بعض الناس ))


وفيه كلمه معناها " لا " بس صعب كتابتها ممكن تصير تسذا (( تسو )) ولازم تصر براطمك وتسحب لسانك جوا وتطلع معك الكلمه وممكن يطلع معها صفيره ,, وبعد فيه " ءء " وتطلع من الحلق مثل اذا جيتا لبزر وقلت له عطني الكوره بيقول لك " ءء " وبيرفع خشته فوووووق وهو يقولها ...


هزع ... او تهزع يعني تطمر والا تنزل ,,, اللي تبي


منهو .... من هو وانتهينا


اشبك البلا فشكلك ..... مهيب لاهل القصيم ,,هذي حقت الحجاز (الملقوف )


مهيب والا مهوب ... بالعربي ( ليس ) مثل " هذا التفتر مهوب لك عشير هذا التفتر لاخوك عكاشه"


التفتر ...... الدفتر


هق! وتي .... يعني ( اظن مثل " هقوتي انه فيذا " )


توحي ..... تسمع ,,, اذا جيت تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه على يسمعك ) وبيقول لك من انت ولده ... الخ "


يوووووووووووووه نسيت اهم كلمه ... كتر ... ويقول الواحد لاخوه وهم يتغدون من صحن واحد " لا تاكل من كتري " تشلق
يعني تشلق وشلون اقولها ذي ؟؟؟؟ المهم عسكها غط .... اكيد واضحه يعني وانت تاكل فول فيه فرق بين انك تشلق شلق ولا تغط غط


جغمه ,,,, يعني جغمه ! يعني اممممم شوي ( مثل تقول لاخوك وهو يشرب عصير ابي .. واخوك عيا .. تقول ابي جغمه بس )


بصرك .... يعني بكيفك .... ( تقول لواحد تعال معنا ... ويقول لك لا منيب جاي .. ترد عليه "بصرك " )


بعدي ...... مهوب بعدي يعني بعدي بس بعدي .... يعني مثلا يقول الابو لولده ,,, يعدي ابوي بس مدري وشلون تنشرح


امحق ... هذي محتارين فيها العلماء بس انشالله خير وبيطلعون لها تصريفات للماضي والمستقبل ,,,, واللي عنده مثل عن امحق يلحقني لاني تورطت بهالكلمه


يدربي ...... يعني يدحرج .... مثل واحدن من الشباب اسمه مدربي رويسه ....


كنادر .... جزمه ( الله يكرمكم)


زبيريه ..... نوع من النعال وهو احسن مبيد الصراصير ! والحشرات الزاحفه الاخرى


سرسري ....... يعني سربوت
سربوت ........ يعني داشر
داشر ,,,,,,, يعني صايع في الشوارع وهو اسهل واحد يطيح في التتن
تتن ......... دخان
برندا ..... ميراندا,, لان اول واحد قالها في الرياض كان مزكم وقال براندا
محلي ......... مصدي
ياخزياه ....... اكثر من يقولها العجز الله يخليهم لنا ولا يحرمنا من حتسيهم
ديرمه ....... روج الاولين
يصطر ......... يصفق مثل ترا ابصطرك كف يعني بصفقك كف


سواني ,,, رح للجنادريه وانت تعرف وشي ,, ترا مهيب في السوق ...


زبيل .,,, وانت رايح للجنادريه تشوف السواني اسئل عن الزبيل ( راح يقول لك السطل الاسود دايمن يحطون بووه التمر )


سماط ,,, لا تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره


منول ... بشد الواو يعني ( منـــوّل ) يعني من أول .. يعني من زمان


دارسين (والا ناجحين ) ,,, عودان يحطونها الحريم مع الاكل بس مدري وشي و ليش ( اسال امك احسن )


ملاس ... ننتسب به الغدا


ننتسب ... اممممم والله البلشه ( نغرف ) تدرون وش معناه والا اعلمكم بعد .....


مراصيع ,, ,,, اسالو الحريم ويعلمونكم عنه

صبيب ! ,,,, انظر اعلاه ,,, هو نفسه بس بطريقه ثانيه


ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابو ذيل (( ياربي لك الحمد )) وعيال النعمه يسمونه النمر الوردي


قاف ,,,,, منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها
( ودايمن تقول الام لولدها اذا ازعجاها " رح في قاف " عوافيالله هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافيالله )


جغمه ..... جرعه ( ذكرت قد كتبتها.. بس جا على بالي معنى ثاني وكتبته )


انقلع + اذلف + طس .... فارق (go away)!

وشذا ... وش ذا ( ماهذا؟ )


لابد ... مختبأ ( مثلا اخوك زعلان وتقول امك نويصر حمود وينه تقول لابد بذاك )


سذا زين .... كذا زين؟


بذاك ... هناك ، فيذاك


نخر …. فتحه (( احم احم احم ))


طنب .... ضرب بوري


بووه مير نيم ... فيه بس نايم


ام هو بووه ... ( ذولا القصمان البحت اللي يهرجون بسرعه يقولونه ) يعني وين هي فيه !!


البحت .... الاصليين

حمار القايله يستخدم لترويع البزارين علشان مايطلعون من البيت بالليل بس كان زمان[/ALIGN]




copied and transferred by me

copyright for me <<<< قوي عين بعد