حــــلوات الالــــــبــــــــان

[POEM="font="Simplified Arabic,5,royalblue,bold,normal" bkcolor="transparent" bkimage="./images/backgrounds/.gif" border="double,5,gray" type=2 line=0 align=center use=ex num="0,black""] يالله ياللـي مالنـا عنـك مـزبـان=ياللي تدير الكون مـن غيـر ريضـه

يالواحد اللي فارضٍ خمـس الاركـان=انـك توفقـنـا قـيـام الفريـضـه

وتثبت اعبـادك علـى درب الايمـان=تشفي قلـوب المسلميـن المريضـه

واللي ماهو من سوق الاسهم بخسران=عزالله انـه مـن نفوسـآ حضيضـه

مير البلا اللي جـاه نكبـت حزيـران=معاد فيـه يابيـض الوجـه عيضـه

هذاه شـي يخلـي الرجـل حيـران=معاد يعرف ويـش سـوده وبيضـه

كنه طريحاً طـاح فـي بئـر ثعبـان=بينه وبيـن الجـال يلمـظ الميضـه

واللي بعدها هجرس البـال طربـان=وهاجسـي ماكـل شيـآ يهيـضـه

الا ليـا خويـت ذربيـن الايـمـان=يوم الوسـم بكـر وشفنـا نفيضـه

حان الربيع وحـان مطلاعنـا حـان=فرصـة عمرقـدام صيفـه وقيضـه

وليا تعبنـا لاجـل حلـوات الالبـان=ماهو تعـب اللـي علينـا غميضـه

اللبل لها في داخـل القلـب مسكـان=عويضتنـا ياكبرهـا مـن عويضـه

سفينت الصحراء لهـا عندنـا شـان=وفر لهـا الطعـام والمـاء بحيضـه

والناقه اللـي لونهـا لـون عـروان=ماساقهـا الجـلاب يـم الرويـضـه

مابيعهـا لـوكـان زادو بالاثـمـان=مامثلهـا عنـدي بنجـد العريـضـه

وليـا طلعنـا عنـدهـا ياكحـيـلان=يرتاح بالـك مادخـل فيـه غيضـه

في روضتن خضراء بها النبت رويان=ريح النفل يفـوح فـي كـل فيضـه

يوم المطر جها مشى القـاع مليـان=على يمنك سيـل تسمـع خضيضـه

على سنـا نـارآ بهـا دلال رسـلان=مبهاراتـن جنـب جمـره غليضـه

ومعلقاً هرفـي وبـري مـن الضـان=لحمـه نقطعهـا ولحمـه نجيـضـه

والجو صافي يـوم مالـن الاغصـان=هذا الكـلام اللـي يطمـن حميضـه

وسوالفـاً حلـوه وترتيـل قــران=ماهي علوم اهـل العلـوم البغيضـه

وصلاة ربـي عـد وبـال الامـزان=علـى نبيـاً وضـح لنـا الفريضـه

[/POEM]

سعــد مـطلق