ثنتين .. لا كثّر عناك الوقت وأعيتك الهموم

السلام عليكم
مساء الخير على الجميع

جديدة سبق و أن وضعتها قبل يومين .. ولكنها راحت ولا أعلم ما السبب .. ولكن ها انا أضيفها للمرة الثانية .. عسى ان تحوز على استحسانكم.


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ثنتين : لا كثّر عناك الوقت واعيتك الهموم = ثم صارت الدنيا من القفله سوات الآخره

الاوّله : ذكر الكريم الباسط البر الرحوم = سبّح بحمده كل حزّه واطلبه واستغفره

بيبان جوده فاتحه في كل ليل وكل يوم = والرابح اللي وقته لجاه الكريم استثمره

واعلم بأنك بالرضاء تؤجر وبالسخط محروم = واصبر وتلقى بالصبر لذّه وخيره وثمره

والليل لو طوّل على البال المعنّى ما يدوم = لا بد من يومٍ يسوقه سوق ويلوح سفره

والثانية : خوة مطانيخ النشاما والقروم = اهل الوفاء لا قلّ بذّال الوفاء ومقدّره

في جالهم سِعد الرفيق إليا انثنى دون اللزوم = لا شحّت الدنيا بحاليها وذاق المرمره

تظهر مواقفهم مثل ما يُظهر الليل النجوم = لولا سواد الليل ما شفت النجوم المزهره

يبقون لك مثل الثوابت في العقيدة والسلوم = والحق حق ولا مجال لمن اقرّه وانكره

وانا على الثنتين احث النفس واشد العزوم = لو كان تقصيري في الاولى ما يُجبّر مكسره

لكن عزاي اني عرفت من الرفاقه روس قوم = إن كان ما زادوني من الطيب .. طيبي ما اخسره[/poem]



وسلامة ارواحكم