تدري انا وشلون من عالمي ضقت ؟؟

[align=center]

مجرد احاسيس لشخص قد ضاق به الفضا ..!!

أتمنى ان تحوز على هذه المتواضعة

على اعجابكم واستحسانكم ...[/align]



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تاخذني الأفكار في غالب الوقـت=لدار لها كـل الغـلا بالمحانـي
ماعقت نفسي لكن إني تعوقـت=غصبٍ علي ماجيتكم ما مداني
تسرقني الأفكار لو للقدم سقـت=حتى صحيت بوسط ذيك المبانـي
أحلى سنيني بقتها ليـه مابقـت؟؟=واللي بقا أعوام من شخص فانـي
تدري انا وشلون من عالمي ضقت=من خرم الإبرة لوطلبتـه سقانـي
لوشقت كل الناس ياوقت ماشقـت=قلب عرف غدرك بكل المعانـي
اذكر باني فيـوم فعـلا تشوقـت=للموت لحظة ماصديقـي رمانـي
ماهي غشامه يوم أطوف وصدقت=إني أنا أحميك وأنت تحمانـي
علقت بي شيٍ وأنا بـه تعلقـت=روح الأمل لازال ساكن كيانـي
ادخل على مولاك تعبان وارهقت=هدمت بي عز وردمت الموانـي
بس للأسف متاخرٍ يوم انا فقـت=وش فايدة ترك المعنـى يعانـي
حظي يعشمنـي ولاشـي حققـت=بس لذة التفكيـر حلـم وأماني
جتني امارة بس ما ظنتـي لقـت=وراحت وجابت واحدٍ في مكانـي
أشكل عطتني والعسل ماتذوقـت=يالله عسى في يوم يضحك زماني
هذي سنين العمر فيهـا توهقـت=من وين ما وجه زماني عصانـي[/poem]

[align=center]مشعل الفدغوش[/align]