رساله موجهه لـ عبدالله بن قنيص

اخواني واخواتي
السلام عليكم ورحمة الله وبركاته

واسعد الله جميع اوقاتكم بكل خير
وارجو من الجميع المعذره على الانقطاع وامل منكم تقبل هذه الابيات الموجهه لـ صديقي الشاعر المبدع / عبدالله بن قنيص


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قم ياعلي واركب على صنع برلين = مركب كبار القوم واهل الشكاله
بي أم دبليو ماشروه المساكين = واللي على نفسه عزيزٍ رياله
حجمه ( 765 ) = ماهوب في صاله ولا في وكاله
بلوتوث شاشه جلد فتحه وقيرين = ماعاد باقي غير يمشي لحاله
ثم نحره لصاحب اللي على الدين = عز الرفيق وعز منهو شكاله
الهاجري ذخر الرجال المسمين = حلاّل عسرات الامور بسهاله
وقله يقول ألك النصيف الهوى شين = وياسعد منهو مبتعد عن مجاله
واللي جرى حبه بوسط الشرايين = مدري وش اللي يابو صالح جراله
من شهر 10عام 27 = لليوم ماكلم ولا ارسل رساله
واتلا العهد يوم افترقنا متصافين = ومن عقبها مدري وش اللي طراله
وجدي عليها وجد من راكبه دين = ومن الفقر يادوب يوكل عياله
العمر في الـ 60 والراتب 2000 = يروح بين اجار بيت وبقاله
او وجد عودٍ هاجرينه له سنين = على فراش الموت من ضعف حاله
اكبر عياله يسبره عقب شهرين = وكنه مسوي فيه لاجا جماله ![/poem]

وسلامتكم ,,