بين روق وبين برقا قد فخرت .. ( الرد علي سعود مناور )

بعد السلام والتحيه والاحترام
الله يسعد كل اوقاتكم


شرفني أخي الغالي شاعر المليون الفذ / سعود مناور العتيبي
بنص فاخر طيشني فيه انا ومعى مجموعة من الزكرت
هنا رابط قصيدة سعود
http://montada.mergab.com/showthread.php?t=39608


وهنا المردود

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

غن ياهاجوس فكري دام صرت = النديم اللي علي فكري ومرت
لاقدحت الراس لبيوت القصيد = أشهدنك وافيٍ مايوم برت
لك علّي أحشّمك عن كل ميل = وأبدعك كرتٍ يهمش كل كرت
ولك علّي أرقا بك العليا سنود = وأصخّرك مثل الذهب لامن صخرت
كلها من شان من خط الكتاب = وخصني ويا النشاما والزكرت
مرحبا ياسعود هيل بدون كيل = يالعديم اللي عن الهزله طمرت
يالحصان بن الحصان بن الحصان= بين روق وبين برقا قد فخرت
من خوالك مأخذٍ هيبه وطيب = ومن عمامك للعلا شمت وعبرت
وكانها راحت ليا قدح البيوت = يشهد الناموس يومنك عمرت
لك علي العليا مكان ولك مقر = ولانعسر غيرك بقافك ما أنعسرت
الليالي ياولد عاصم تدور = سج رجلك بالوطا مدام سرت
التجارب مدرسة كل الدروس = وأنت مدامك من الوقت اعتبرت
صاحبٍ ماهو يعدك راس مال = لاخسرته عن طريقك ماخسرت
والمثل يابن المكارم وش يقول = أشبع بمدتك وأوجع لاسطرت
كل مقفي لاتعرضه الملام = تثمر الدنيا بصبرك لاصبرت
وأنت غالي وسط فكري ما تغيب = لانذكر قدح القصايد كم خطرت
بيض الله وجه رجال الجميل = لو بغيت أحصر فعوله ماحصرت[/poem]


أخوكم .. الموقع أدناه