سحب القصيد

[align=center]
مسائكم جميل

/

/[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا مرحبا يا هاجسي واليوم عيد = مبطي ما شاركت العرب طاروقها
ما هو بقلً بالموارد والرصيد = مير اشغلتني دنيتي بحقوقها
بين السعه ممشا العباد وبين حيد = يا وسعها وان صادفت يا ضوقها
غنيت قافي ونهمل سحب القصيد = وسميةٍ قامت تلوح بروقها
اشتقت للمعنى وللحرف الفريد = شوق القلوب اللي تبا معشوقها
نشفق على اللي وزنها ثقل الحديد = ومنزالها بين النجوم و فوقها
نمشي على النهج القديم و لا نحيد = يكفيني الشيبان مرضي ذوقها
يا صاحبي كانك تبا العلم الجديد = جتك العلوم مقفلً صندوقها
الشجره اللي ما لها ضلً مديد = وادناة شئ من الامور يعوقها
جعل الرياح اللي لها وقعً شديد = يشتالها من راسها اليا عروقها
والشجره اللي ضلها ياصل بعيد = وتضفي عليك اليا قربت عذوقها
جعل السحاب يسوقها بنوءً سديد = وتطلع عليها الشمس وقت شروقها
من لا فعل ما خلد الفعل المجيد = طيب الرجال بفعلها و منطوقها [/poem]



[align=center]وسلامتكم ،،[/align]