الامير عبدالعزيز بن تركي ال سعود .!

السلام عليكم ورحمة الله وبركاته


الاخوه الاعزاء طاقم اداره واعضاء وزورّار..!

اكرر اسفي لانقطاعي عنكم .. وذلك لانشغالي والابتعاد عن النت بشكل عام

احب ان اصافحكم بهذه القصيده .. التي ليس لها مكان سوى المرقاب .. وكلي شرف بهذه المشاركه .. والاهداء الخاص لكم جميع




تشرّف والدي محمد بن فالح ال قشعم واعمامي الكرام .. بزيارة الامير عبدالعزيز بن تركي ال سعود حفظه الله ورعاه .. لنا فالكويت عامه ولمجلسنا خاصه .. وبهذه المناسبه القيت هذه القصيده الترحبيبه بحضوره ..







[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
للشعر فالميقاف وجه ٍ مايشين ولا يلين = زعامةٍ ترقى على متن السحاب الحالها

ماهوب حيّ الله كلامٍ السان تشرحه اليدين = سوالفٍ من شينها تشره على الليّ قالها

الشعر فكر وملحمه وأبداع من مرّ السنين = وتاريخ يحكي واقع الامّه وفعل ابطالها

أدب تحلابه سمو الأخلاق والعقل الرزين = وتنقاد له عوب الطروق الليّ تعزّ أجزالها

وانا حضرت وموقفي بيّن ومن مثلي يبين = لاكبرة الدعوى وعقدتها على حلالها

شاعر وأمثل لابتي في كل قاع وكل حين = وأكبر فخر في شاعر المليون جبت اخصالها

الحاصل اني جيت والموقف قوي والله يعين = والسالفه ماهيب بالحيله لجل نحتالها

نيابةٍ عن صاحب السموّ والشعب الامين = والدار واللي زارها واللي جلس بظلالها

ارحب يابو تركي عشير الغانمين المكرمين = يدوي صداها والسعد متصدرٍ باقبالها

يامرحبا ترحيبة الطيّب لاجوه الطيبين = مالاح براق النصوب الليّ نخيل اخيالها

ترحيبةٍ من طيبها تقبلوها الغانمين = الليّ تعزّ اشنابها والليّ تحشم اسبالها

اليوم هذا يخضع التاريخ لجله مرتين = والفكر واقلام الحقيقه والكتب باشكالها

ماهوب يومٍ ينقضي ببلاش ؟ والعلم اليقين = انه ابرك ايام السنه واشهورها واليالها

المجد تشريفك لنا يالليث ياحام العرين = سبع السباع امرجح الوزنه على مكيالها

عبدالعزيز امكرّم الخطّار والعقل الرزين = غيث السحاب اللي اقنوفه ساكبن همالها

رجل المواقف والتسامح والوفا دنيا ودين = وامارةٍ تحلو لبو تركي وهو يحلالها

مقدام حرب وموقفه بيّن وله ظلعٍ متين = تبطش يمينه والعدا ترضخ ويمحق فالها

أحلم من الحلم الحليم وفكره الحصن الحصين = وأمر وأدهى والحمول الكايده يشتالها

زاهد بما يؤتى وأبت نفسه وجاء العلم السمين = في وقفةٍ ماكل رجلٍ يحتمي مثقالها

وقف وقال انا لها انا لها يالعارفين = النار من شبّابها والخيل من خيّالها

يوم استضاقت الارض فعيون الرجال المبتلين = وكبرت وطال الشرح والصعبه تبي رجّالها

وقّف وساق المال من دون الخوال المعسرين = خمسة عشر مليون قام ابها وزاد وطالها

حي ذالحجاج وحي ذالطنخه وحي ذيك اليمين = وحي ذالقبال وحي ذالوقفه وحي من شالها

ماهي غريبه منك يالنادر اكعام العايلين = خطل اليمين اللي على العليا رسخ تمثالها

يجزاك من يجزي العباد المومنين الصابرين = اللي يجازي راعي الحسنه بعشر امثالها

تسلم يابو تركي رفيع الجاه والسد الدفين = ريف النشاما والخصال الطيبه مدهالها

قبل انتهي منها واعطرها بورد وياسمين = اقبل سلامي والتحيّه شامخٍ منزالها

وصلى الله وسلّم على خاتم جميع المرسلين = مالبوّ الحجاج في مكّه ومن يسعالها [/poem]