مصافحه اولى واتمنى ان تحوز على رضاكم

[align=center]السلام عليكم ورحمة الله وبركاته

اخواني الاعزاء اعضاء هذا الصرح الشامخ

اطرح اولى مشاركاتي المتواضعه بين ايديكم

واتمنى ان تحوز على رضاكم[/align]


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله ياربي عليك الملتجا والاتكال=ياعالم(ن) غيب القلوب وعالم(ن) باللي جرى

أعوذبك من قلة الحيله ومن ذل السؤال=من عقب ماضاقت علي وعافت العين الكرى

أشوف فالدنيا عجايب بين حلٍ وارتحال=ولامن يجيب الثريا قيمته عند الثرى

آخذ من الدنيا عبر وأعرف مداخيل الرجال=وأعرف مناهيج المدن وأعرف مناهيج القرى

وأشوف ناس(ن) مايعرفون الحرام من الحلال=ماهمهم غير المظاهر والمناصب والثرى

قلوبهم مثل الصفى تشفق على طرد الريال=لاعدو افعال الرجال أفعالهم ماتنطرى

أعز نفسي عن مخاواهم لو ان الوقت مال=وأحط من بيني وبين أشباههم ستر وذرى

أخاوي الطيب وأعده فالليالي راس مال=الصاحب اللي فالمواقف والشدايد يظهرا

اما انت ياللي تنقلب مابين حال وبين حال=لاتسري الدرب الطويل اللي يضيع من سرى

ارتح وخل الحمل يشتاله من يشيل الثقال=مدام قلبك مايفوق ودام عينك ماترى

وش لك بترديد الحكي وش لك بتكثير الجدال=ماكل شيٍ ينكسر يقدر يلصقه الغرى

اخذ النصيحه لاتناطح راسك بروس الجبال=واحذر من اللي صار لايدري بها اللي مادرى[/poem]


[align=center]وسلامتـــــــــــــــكم[/align]