مصافحة اولى ــ يــامــشــعــل

بسم الله الرحمن الرحيم

السلام عليكم ورحمة الله وبركاته

اولا ً اتشرف بانضمامي الى مرقاب الادب والشعر الجزل واهل الجزالة ، وأسسف لعدم دخولي

منذ تسجيلي قبل ثلاثة ايام نظرا ً للظروف ،

خير الكلام ماقل ودل ، فمنتدى المرقاب فوق كل كلام ، ولااجد التعبير المناسب الذي يناسب

سعادتي الغامرة لوجودي بينكم ،

تحية وتقدير لمؤسس هذا الصرح الادبي وهذه المجموعة الاعلامية الراقية بالقائمين عليها ،

تحية وتقدير لصديقي الاعلامي والصحفي المعروف مشعل الريمان الذي وجه لي الدعوة واتشرف

بقبولها وهاانا بين اعضاء هذا المرقاب العظيم ،

تحية وتقدير لمدير المنتديات الشاعر والاستاذ مشعان البراق فهو السبب في وجودي بينكم حيث

اشرف بنفسه وكان حريصا ً حتى تم تسجيل الاسم فله مني كل التقدير والاحترام ،

تحية ايضا ً لزملائي واخواني الشعراء اهل الجزالة والشعر الاصيل في مرقاب الشعر ،وتحيتي لكل

الاعضاء من كتاب ومهندسي دعم فني ومصممين وكل الاخوة والاساتذة القائمين على هذا الصرح,,

مصافحتي الاولى هي ابيات بهذه المناسبة قلتها عندما وجه لي اخي مشعل الريمان الدعوة ،

اتمنى ان تحوز على رضاكم وان تكون في مقامكم الرفيع ::’’’

[poem=font="Arial,4,black,bold,normal" bkcolor="transparent" bkimage="backgrounds/1.gif" border="double,3,gray" type=1 line=0 align=center use=ex num="0,black"]
يامشعل الهاجس اللي بالضماير مقيم = مايارد الضِّـيـحَـه اللي مـايـورّابـهـا
إليا نوى واستعاذ من اللعين الرجيم = يَعْرِف هماج العدود الزرق وإعْذابها
منشاه عقل ٍحصيف ومن بياض الصميم =يازن خفايا الامورويدرك اسبابها
يارد قراح ٍ وروده مايصدّر محيم = واسقيه جزل المعاني واحسب حسابها
واصوغها في بيوت ٍ طرقها مستقيم=واشـدّ عمدانها واجــوّد اطــنـــابـــهـــا
واحكم عقدها على فكر الضعيف الغشيم = اللي يدحْدر مع السّندا ويرقابها
شاعر ومن باب يغلب كل عالم عليم = اختار منها الجزايل واترك إهْزابها
ماباح سدي على حب العنوس العقيم = اللي تغثبر سمارالكف بـخـضـابـهـا
حرْص ٍعلى قولت اللي بالمثايل حكيم = لاسِـمْـعَـها قال صح لسان كـتـّابـهـا
درب العلا سنة اهل المعرفه من قديم = وانا اقتديها وغيري من تقدابها
اتعب على الطايله والرزق عند الكريم=وانهج مناهج رجال العرف واشقابها
كل ٍ على قمة المرقاب وده يقيم = ويـعـيـش دنـيا الغرور مع اوسع ابوابها
والشعر معنى وحكمه من حكيم ٍعليم =وهايب ٍ للخلايق جلّ وهابها
ماكل من هب له بارد هبوب النسيم = والغاوية يوم غناّ أوْمت بمشعابها
أدرك عماق البحور وقيلّ له يافهيم = حتيش لو زيّن ألحانه وغنابها
تصفيقة ٍ من مَسَقّم ماتسرّ السقيم = ماتوصله قمة العيطا ومرقابها
إمّا نظمها درر من عمق بحر ٍ طميم = يشوي صقوره ليا أمسى ويتعشا بها
ماجيت اباأحط للغاوين نهج ٍقويم = واحسب لمن يخطي الشارة ومن صابها
مانيب للناس يامشعل وكيل ولزيم = والناس تدري بصادقها وكذابها
لكنّك إسلم وسلّم دام عمرك سليم = وصّل سلامي رواسي الشعر وهضابها
في مرقب ٍ يعتلي به كل جزل ٍ عديم = اللي يحكّم بيوته لاتغنّابها
إلهم مقام ٍ ورى عوج الحنايا حشيم = ياحبني للجزال العِرْبْ واصحابها
وإختصّ مشعان راعي كل قاف ٍٍ يتيم = فرايد ٍ تعجب الشعار لاجابها
أحْرِص على اللي كما: البراق :نهجه سليم=ودعوة دُعاة الحداثة ماتوحّى بها
سفينة ٍ ( مع يباس ) وتحت رحمة رحيم !! = والله لوأغرق وانا أقدرماتلوّى بها![/poem]


وسلامتكم ،،
تحياتي لكم .