رزق بكره

بسم الله الرحمن الرحيم

الحمد لله والصلاة والسلام على رسول الله وعلى من أهتدى بهديه واستن بسنته الي يوم يبعثون


وبعد،


روي عنه صلوات الله وسلمه عليه انه قال حسنه حسن وقبيحه قبيح اسأل الله ان يجعلنا


من الذين يقولون حسنا ويعملون حسنا ويتقبلهم الله قبولن حسن


اخوتي بالله أعضاء ومتصفحي منتدى المرقاب


السلام عليكم ورحمة الله وبركاته


إليكم احد نصوصي المتواضعه والذي آمل أن يرقى الى حسن ذوقكم




[poem=font="Tahoma,5,purple,bold,normal" bkcolor="white" bkimage="" border="none,4,blue" type=2 line=0 align=center use=sp num="0,black"]

يانديم الشعر والشعر بالصدق أروعه = في شعور الصدق عذب الشعر نبع زلال

لحظه مع الذات للبوح لحظه ممتعه = يا أمتزج جود القريحه ومجهود الخيال

لوحة باحساس مرهف وأنامل مبدعه = لونها عمق التجارب ومضمون الجزال

استمع صدقه بشعري نديمي واسمعه = اسمعه حكمه وعد واسمعه حسن وجمال

خلنا باليوم بكره يجي رزقه معه = وكل الله والسعي فرض بعد الاتكال

لا تزيد الضيق بالحرص والدنيا سعه = رزق بكره قبل بكره من الصعب المحال

انت ماتجمع سوى ما كتب لك تجمعه = قو من عزمك ترى المرجله صبر الرجال

وانت لو بالجهد تعبر فضاء الكون أجمعه = غير رزقاً يقسم الرب مالك به مجال

قارئ الفنجال ما حاش غير الزوبعه = لو يصدق كذبته واقعه وهم وخيال

والحياة اسرار وأرزاقنا فيها امتعه = للسفر وانت المسافر ولله المآل

جهدنا جهد المراكب والاسباب اشرعه = والظروف الجزر والمد قسوه واحتمال

مثل مال البحر رزقه وسره واطبعه = به من الدنيا ملامح وللصوره ظلال

وفي صراع الحي لجل البقى ما يوجعه = في كبد من صرخته طفل حتى الانتقال

كم سمعنا عن طمع شخص حتى ضيعه = والقناعه كنز تبقى ويفنى كل مال

كيف لا تسأل عن الكيف كم من جوعه = كل واحد له حكايه بها مر العضال

بحر حوته يبلعك كيف ودك تبلعه = لا تقع في فك قرشه ونيبان الريال

لا تصير اللي ذكر بالحديث الأمعه = الرجل مبدأ وعقيده وعزم وطول بال

والأمل للعمر شمعه بدنيا المعمعه = والأمل باللي عليه الأمل في كل حال

عش ليومك بالتفاؤل وباشر مطلعه = واترك الباقي على الله وغيره لا تسأل

هل ضمنت العيش بكره قبل ما تشبعه = امعن التفكير فحوى الإجابه بالسؤال

لو تلاحظ سير الأيام كم هي مسرعه = تشعر بقرب النهايه ومعنى الارتحال

كل ما اقراها بتأمل تشيح مودعه = قلت في نفسي بصوت الأماني والآمال

الحضيض اللي على العز يلقى مصرعه = طالما أن العمر فاني وللدنيا الزوال

يانديم الشعر والشعر بالصدق أروعه = واعذبه مثل العذوبه بهمال الخيال[/poem]