سبعة ليال

اسعد الله اوقاتكم ..


ومبارك عليكم مابقى من رمضان ..


كيبوردية تحكي نفسها ..




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
فات سبعة ليال ولا حضرني قصيد=والسبب ماهو من نفسي وغفلاتها

كل(ن) يريد والله يفعل اللي يريد= وانا نفسي تعاند دوم مشهاتها

ياقديمي سلام ومرحبا ياجديد=فيك الافكار تفخر في بنيّاتها

اقبل النور من عند الإله الحميد=يهديَ الناس ويعدّل مساراتها

الأجور اتضاعف والدعا مايحيد=تفتح إِلْه السما بيبان منجاتها

يبطي بليس في وسواسه ولا يكيد=كبّلتْه النفوس إبــ \ بيض نياتها

نعمل بكل فرض وبالسنن نستزيد=ما نحاتي الفضائيات وأوقاتها

ومن يحوز الرضى ويعيش وقته سعيد = من يحفْظ السور .. ويرتّل آياتها

يعمل افـ \ دنيته .. ويخاف يوم الوعيد= يوم تِجزى النفوس .. بحسب سيّاتها

يوم فيه النفوس أتخاف هول الرصيد / لين تذرف عيون العبد دمعاتها

البكى مايفيده والندم مايفيد = ليه من دنْيته.. يغْرف خطِيّاتها ؟

وكل نفس(ن) تمنت عفو رب(ن) مجيد = يقبله لين ترفع بيض صفحاتها
[/poem]





.

.

.