اليوم غير الامس (رساله صريحه )

[frame="10 65"]

بسم الله الرحمن الرحيم

تحيه عطره للكل
الشعر موهبه من رب العزه والجلال وهذه الموهبه ليست كرنفال او عمل وظيفي كي يعتزله البعض
او يطلب الاحاله على التقاعد ومن خلال ماتردد عبر شبكة النت وكثرة ترديد مقولة اعتزال الشعر
من بعض الشعراء الذين يعلمون ويدركون ان الشعر ليس كما وصفوه بقصائدهم الاعتزاليه
جاءت لكم هذه الخاطره تأمل منكم قبولها كما هي
اخوكم
عوض

[poem=font=",6,blue,normal,normal" bkcolor="transparent" bkimage="" border="double,3,darkblue" type=2 line=0 align=center use=ex num="0,black""]
ماني بمكلوف(ن) على بعض مايقال =لكن بعض القول حان اقتباسه
اليوم غير الامس ياعم ياخال = والصبر مفتاح الفرج وانحباسه
من لايميز مخرجه قبل مدخال=يطيح قدره عند ربعه وناسه
ياللي تعدون الشعرمثل الاعمال=وتقررون الاعتزال ابدراسه
ماني بخابر به تقاعد وترحال =وماهوب دوري للملاعب وكاسه
الشعر من عهد الصحابه ولازال=ولاحدن درج بالشعر وابدا فلاسه
الا الذي شعره على لال يالال =هذاه اعده دايماً في انتكاسه
يبنى بيوته بين صلفات واهزال=ولاتنوجد فيها مداخل سلاسه
لاجاء يغني ينقلب جده اهبال =تجفل منه يالربع حتى حواسه
والا الذي شعره كما نحت بجبال=هذاه اعد الشعر دايم مقاسه
ماينّسى شعره لون الزمن طال =سبايك(ن) مابين دره وماسه
فيهن من الحكمه تصاويرواهوال=يطربهن من لا يحب الدناسه
وفيهن من علوم الرياجيل منوال=كيفاً لشرابه يطير عماسه[/poem][/frame]