( ليلة العاشق ) .!

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليلة العاشق اللّي ماتمنّاها:=ضيقه .. وشوق .. ودْموعٍ حياويّه
إيتذكّر حياته واوّل إصباها=يوم عاده يعيش احلام ورديّه
ايتمنّى ولاجاته ولاجاها=منوةٍ فالضلوع الحدب مكنيّه
وإن طرتْه الرومنسيّه .؟ وطرّاها=يسري اللّيل كلّه فالرومنسيّه
لو يفتّح ملفّاته ويقراها=بين هاذيّه , وذيّه , وهاذيّه
يقْلب اوراقها وايطوّف أسماها=كلّها تنفتح ., وتروح مطويّه
أنت ياصاحبي .. ملفّك أولاها=وقفتي عند ذكْرك لاإراديّه
قدْرك بنون عيني ماتعدّاها=كمّ مرّه يطيح .! وعيني إمعيّه
المشاعر من اوّلها الى اتلاها=سقتها في غرامك سوق جاهيّه
كيف لا وأنت ابوها .! وأنت مرباها=وأنت ملح العلاقات الغراميّه
الفرايد على مرساك مرساها=فيك منها وفيها منْك ماريّه
ليلةٍ يصدق وْصالك بمسراها=لوثمنها العمر .؟ لرْضاك مسريّه
المحبّه .. معاك ألــّذ وأشهاها:=لحظةٍ معْك لوكانت خياليّه
اعتبرها حياتك .! موووت وإحياها=لايموت الوصل , وقلوبنا حيّه .![/poem]