اطويق من طيبه ثعى في جانبه خشم الريال = عانه صعب لكن جوك الناس مع قديته

(((( فيض من غيض ))))

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا تبخس الدنيا ترى حق الرجال امع الرجال = واللي تجمل بالكريم انحاز في ملكيته
قبل المواجه وابد يا موضوع واسري يا جدال = انك تميز صرفة الرجال في حريته
وانا قبل لا اسيس القيفان وسعت المجال = من عين فراس ( ن ) ظهر بين العيون احجيته
اخترت عين ( ن ) راسها فيه السطر والإعتدال = وقدمت مضمون العلوم افبحرها كليته
سلام والدعوى تحية من جبال إليا جبال = واللي تنحر للطعيس ايموت في حفريته
ذكر الفتى يا القرم يظهر في عمام وفي خوال = والا انت ضميت الشواهق كلها بتحيته
جتك القوافي تفحم الجذر المكعب والدوال = واللي غطس في بحرها ينحاس في قافيته
في خاطري لك جمرتين وزاد فيهن اشتعال = لي فكرت ( ن ) فيها ظهر لي كثرته في ابليته
لي حق اعبر مع تحمل راي دون الاحتمال = اخطم على الحد الرمادي واجتنب حمريته
احفظ حقوق الناس وارفع رايتي بالإمتثال = إن إختلاف الراي لا يفسد وداد قضيته
صحيح به شي ( ن ) يقال وشي لا يمكن يقال = وانت ابخص ابعلمي هذا والله يعلم نيته
صاحبك ساري بالغداري ما لقى فيهن مجال = الا اقشر الثنتين يوم الوقت راغ ابفيته
وضعه زرى بحمول خابرها عليّه بالحلال = إن الصميدع لا درى عنها حذف طاقيته
والله وحق الله علي امن السبال إليا السبال = إن الريال إليا ظهر في ضلع جاب امنيته
اطويق من طيبه ثعى في جانبه خشم الريال = عانه صعب لكن جوك الناس مع قديته
المال ما هو شي عند اوجيه سمحين القبال = كنه ليا منه ضحك له مد له عانيته
والا العرب بعض العرب لا انحد بك وقتك ومال = انا اشهد إنه ما ينومس حضرتك مديته
أنا اشهد إنه حلها حلة معاقيد الحبال = يوم الضحايا علقت كلن بلش بضحيته [/poem]

رائعة من روائع الشعر
خالد

حضورك إضافه كبيره وقويّه لعالم الشعر هنا

مرحبا بهذا التواجد الجزل

الله الله الله
صح لسانك مدد
وبيض الله وجهك يـ خالد

الله الله الله


عليك يامبدع



صح لسانك صح لسانك



وبيض الله وجهك

سلام والدعوى تحيـة مـن جبـال إليـا جبـال
واللي تنحـر للطعيـس ايمـوت فـي حفريتـه
ذكر الفتى يا القرم يظهر في عمام وفي خـوال
والا انـت ضميـت الشواهـق كلهـا بتحيتـه





خالد انت شاعر جزل وخطير !!
متابعتي مع إحترامي طال عمرك

اخوك .

صح السانك ياخالد


نص راقي ومميز



تحيتي

جزلة من شاعر جزل
سلمت على هذا الشعور .. ولا فُضّ فوكـ .!

خالد بن ضواي


الله
الله



صح لسانك مليون
و لاهنت



كل الود

.
.

الله الله
لله درك

صح السانك ملايييين
تحيتي لك

اطويق من طيبه ثعى في جانبـه خشـم الريـال
عانه صعب لكـن جـوك النـاس مـع قديتـه

خل القصيده كلها على جنب
رغم انها من عيون الشعر
الا ان هالبيت

للتاريخ

خالد ضواي
اضافة للشعر وللمرقاب خاصة
أهلا بك
وسجل عندك
متابعه / موده واحترام
اخوك

الأخوة الكرام
حقيقة كل واحد له حق ويستاهل إني أعنى له
ألف شكر على كل من قرأ الموضوع
ألف شكر على كل شخص شارك بالرد
تحيتي

الله عليك يا خالد ،



صح لسانك على هذه الشامخة /



حبك و سبك وقوة معنى ،


شاعر يا خالد

ما يحتاج


ابدعت يا خالد



صح لسانك حتى الرضا ولاهنت

خالد


اشهد بالله انك ابدعت في اللي كتتبته حرف حرف

صح لساااااااااااااانك

تحياااتي