سيف الوقت

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]
الفكر تايه وطول الليل مشغلني = ولي حاجتً في يدين البعد مطروحه

على بقاياً مظني محسنً ظني = وابني من الليل حلمً طاحت صروحه

عمت بمجاديف شفي في بحرهني = ابحث مع اللول لولً شدني ضوحه

ادله النفس قبل الموت واغني = وكبدي على ماضي الايام مشفوحه

اجلس على مامضى لين الحشا وني = ومشاعر اليوم مثل العام مجروحه

حتى ايش لو اخفي الدمعه ولو اني = تبقى المواري على العشاق مفضوحه

سحاب صيفً ترادم والرعد حني = والبرق كشاح والانفاس مشروحه

وانا رجايه عسى حظي يعاوني = واشرب شرابً على الاكباد ساموحه

وازريت لارد وابل الريق واثني = يبسن الارياق والاصوات مبحوحه

مشيت وابطيت وطول الدرب ماوصلني = ولهايب القيظ من تحت القدم فوحه

والليل نور القمر به غايبً عني = وانا اتحراه في الجيه وفي الروحه

جمعت مافات من ذكراً تولني = باقصى الحشا تنتل الانفاس من روحه

ونقشتها نقشت اللي بارعً فني = والا كما رسمت الرسام في الوحه

وحطيتها عبرتً للي نشد عني = يقرا الخبر في ثنايا الرسم وطروحه

احلام ليل وقمر ونجوم يبدني = وكل الاماني بسيف الوقت مذبوحه

أيميل(Abo_naief999@hotmail.com)[/poem]



(Abo_naief999@hotmail.com )

الـفـكـر تـايــه وطـــول الـلـيــل مشـغـلـنـي
ولـي حاجـتً فـي يديـن البعـد مطـروحـه
عــلــى بـقـايــاً مـظـنــي مـحـســنً ظــنـــي
وابنـي مـن الليـل حلـمً طاحـت صـروحـه

الله الله الله

مطلع بارع من غير قصور في باقي الابيات

صح لسانك يابو نايف وسلم فكرك

اتمنى لك التوفيق

احلام ليل وقمر ونجوم يبدني
وكل الاماني بسيف الوقت مذبوحه

بيت مميز..

الله يصح لسانك يـ الشاعر

ولاهنت على هـ النص الفااخر والأبدااع

تقديري لك,’’

ابيات ماعليها كلام



صح السانك


وان شاء الله اشوفك قريب


لك كل الود