سوريا سوريا سوريا سوريا سوريا ....

قصيدتي في احداث سوريا .. انتظروها في وصال ..





.. وش بقى ياقلبي اللي .. صار بالأحزان صاجه ..
ـــــــــــــــــ .. إشتكت منك العروق الرهف .. والعوج الحنايا ..
.. وش بقى يادمعي اللي .. بالدجاء بان إنزعاجه ..
ـــــــــــــــ .. إشتكت منك الجفون .. وضاق من هدرك فضايا ..
.. وش بقى ياشام .. يامجد الزمــن عــزه وتاجه ..
ــــــــــــــ .. وأنت لك فـي صـفــحـة التاريخ .. نبراس البرايا ..
.. كيف لا والسيف خالد .. عطر الكون وفجاجه ..
ــــــــــــــ .. سيرته فوق البسيطة .. تعطي الــهــمــه هدايا ..
.. كيف لا والنصر بأرضك .. راسمٍ ضحكة حجاجه ..
ــــــــــــــ .. واصــلٍ غــر السـحـاب .. اللـي يبادلها التحايا ..
.. كيف ننسى سيرة .. الاسم المزخرف وإندماجه ..
ــــــــــــــــ .. إنـدمـاجه وإقـتـرانـه .. بالـسـجـايا والـمـزايـا ..
.. زخـرفـه عــز الـزمـان .. وبالبطولات إعتراجه ..
ــــــــــــــــ .. لين صارت سوريا .. عند العرب درة وغايا ..
.. سوريا فـخـر الـعـروبه .. طـرزت بالوقت باجه ..
ـــــــــــــ .. سوريا كنز المكارم .. أرض حسنين السجايا ..
.. منبع أهل المعرفة .. والعلم والدين وسراجه ..
ـــــــــــــــ .. الرجال اللي عزايمهم .. على العليا سخايا ..
.. إبن تيميه وتلميذه .. على درب إنتهاجه ..
ــــــــــــــ .. كـنـهـم بالعـلـم بدرٍ .. بـازغٍ فـوق الـمـلايا ..
.. والفضايل في بلاد .. الشام راويها إبن ماجه ..
ــــــــــــــ .. وعند أبو داوود صحت .. جملة نصوص وروايا ..
.. طوبى لأهل الشام .. نصٍ فيه عنوان إبتهاجه ..
ـــــــــــــــ .. في جبين الشام .. والا فوق ضحكات الثنايا ..
.. كيف صارت هالليالي .. كنها كسرة زجاجه ..
ــــــــــــــــ .. بين قمع وقتل طاغي .. وإنتهاكات وضحايا ..
.. الجثث تحمل رساله .. تطرد الضيم وعجاجه ..
ـــــــــــــــــــ .. والجراح بـدم عــزه .. يروي قــلــوبٍ ضمايا ..
.. وكل بيتٍ ينهدم ويطيح .. طوبه مع سياجه ..
ــــــــــــــــــ .. إنبنى عزم الرجال .. اللي كما عزم المطايا ..
.. وجيش الاحرار البواسل .. جاهزه وقت المواجه ..
ـــــــــــــــــ .. وسط قلبه مدفع التكبير .. وسهوم المنايا ..
.. إيه وافي يسقي .. البيداء بعذبه لا هماجه ..
ـــــــــــــــــ .. وإيه شامخ مثل سور الصين .. يااصحاب الرزايا ..
.. دينهم نهج الشريعه .. ماأرتضو دين الخواجه ..
ــــــــــــــــ .. لو بشار وحليفه .. وسـطـهـم ســود النوايا ..
.. ياأسد ماانت بأسد .. ما دام في دربك عواجه ..
ـــــــــــــــــ .. لف يم (القبح نصر إبليس ) معدوم الخلايا ..
.. الخباثه والخساسه .. والنجاسه والسماجه ..
ــــــــــــــــــ .. كلها في روسكم وصدوركهم .. سوت بلايا ..
.. ياشبابيح الظلام .. قلوبكم بيضة دجاجه ..
ــــــــــــــــــ .. محتويها الذل .. والا الحقد من سم الحيايا ..
.. سوقكم معروف ياأهل الغل .. من سلعة حراجه ..
ـــــــــــــــــ .. ودكم شام البطوله .. يحتضن رقص الصبايا ..
.. ويارئاسات الدول .. والشعب مالان احتجاجه ..
ــــــــــــــــــ .. كيف لنتو وإكتفيتو .. بالرسايل والوصايا ..
.. في لسان الحال قلتو .. مالنا بالشام حاجه ..
ـــــــــــــــ .. إفعلوا يااهل المواقف .. واتركو ضيق الزوايا ..
.. والله ان اللي على دين .. النبي يعرف خراجه ..
ـــــــــــــــ .. من سجد للواحد المعبود .. وهاب العطايا ..
.. رغم دم الشعب .. في ارض الوفاء بان إمتزاجه ..
ـــــــــــــــ .. والحصاء أصبح جمر .. من بعد نيران الشضايا ..
.. أبشرو بالنصر يوم الصبر .. حيآنا نتاجه ..
ــــــــــــــ .. وأبشرو والدين .. شامخ يرسل بوقته سرايا ..
.. وكل ماضاقت وغمت .. لاحت بروق إنفراجه ..
ــــــــــــــــ .. وأقبلت فيها الشاير .. كنها جرد السبايا ..

((( أسأل الله ان يعجل بنصره لاخواننا في سوريا )))

الله ينصر المسلمين اللي على الحق اينما كانوا..

صح لسانك يالبراق .. ولاهنت يا سنايدي

تحيتي,,,,,,,

المشاركة الأصلية كتبت بواسطة أحمد خليفة الأسعدي

الله ينصر المسلمين اللي على الحق اينما كانوا..

صح لسانك يالبراق .. ولاهنت يا سنايدي

تحيتي,,,,,,,

اللهم امين ...

وصح بدنك ولا عدمتك لمرورك العطر ..

الله ينصر المسلمين في كل مكان

بإذن الله النصر قريب

صح لسانك ولاهنت

تقديري

صح لسانك

وبيض الله وجهك

والله ينصر المسلمين في كل مكان

تقبل تقديري واحترامي

آمين
صح الله لسانك
والله يجزاك خير ياعبدالرحمن
نص عذب وحضور راقي والتفاته وبادره طيبه وتحسب لك ياعبدالرحمن
والله يرحم أخوانا في سوريا وينصرهم
دمت في خير يانقي