فيصل الجذع

[align=center]البروفيسور والاستشاري وكبير الدكاتره

حمد العصيمي

لاهنت على ردك العذب ياعذب

اخجلتني والله بكلامك

يعلم الله اني سعدت فيما وجدت من ترحيب منك

وفرحت ان رسالتي لك لاقت الاستحسان المرجو

بس ما جاوبتني على سؤالي

فيه نيه مستقبليه لمشروع شاعر المليون؟

والله يا حمد الاجابه راح تكون سر بيني وبينك

ولا راح اعلم كائنا من كان

بس علمني بالصج الله يرحم شايبن جابك

ترى والله انه طماعه بيني وبينك

5000.000 درهم مهي بسيطه والله

والاضواء لها طعم لا جت على الرجال الطيب بس

وفي ذمتي انك جدير فيها

وبصراحه انت اللي تصلح لدكتور غسان مجموعته

دواهم عندك يابو الدكاتره

عندك الصور شي خيالي

وتماسك النص ولا اروع

والثروه اللغويه تكاد تكون الاغنى فيها إن لم تكن

الجزاله الافكار الجديده الثقافه الرزانه والهدوء

وللعلم اني ما تشرفت بشوفتك

بس ملامحك تبين من قصيدك

ضعف او زله او حشو او اي ملاحظه (لايوجد)

شاعر متمكن جدا جدا جدا والله العظيم ما اقولها مجامله

حمد انت حرام تقعد والله

ونعم فالمرقاب

لكن فيه مراقيب مايصلحلها اللا انت

وتراها عسره بس مهو انت اللي تعسره

عسى الله يستر عليك ويحفظك

والله اني ذال لا احسدك

تعالنا الكويت واشرب من فنجالي وابطل عيني

ياليته صج والله

مالك زياره للكويت؟

تراها قريبه

وربعك العتبان واجد واخص العصمه بيوتهم معروفه

ومداهيلهم مشرفه والله وسبعين نعم انا اشهد

ودنا والله انك تشرفنا تكفى

والله لنفرشلك يدينا وانتشرف فيك وفي شرواك

ماقلته والله اهايط

تعال وجربنا وتعرف

وطرى علي اكتبلك رقم جوالي وإيميلي

علشان إذا طرى عليك مجي للكويت انتشرف بإستقبالك

99402280-00965

........thabaa7@hot

ولا تنسى الجواب على سؤالي

ودمت

وتقبل كل الود والإعجاب

اخوك ابو غازي[/align]