ليال المخاضير
 

السلام عليكم ورحمة الله وبركاته

أعتذر عن الغياب الخارج عن الارادة وعسى أن تغفر لنا هذه المتواضعة غيابنا

وحنا هالايام في اول الربيع والله يزّين ايامنا وايامكم وكل مسلم

http://www.snnam.com/upload/uploads/...61bf27e70e.jpg

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قم يا فهد شغّل خوي المناعير=جيبٍ لذودك يا فهد مشترينه

نبي نشوف الذود دق ومعاشير=شعلٍ يابوك ودربها مهتوينه

شعلٍ غلاها فوق كل التصاوير=حبٍ قديمٍ عندنا وارثينه

لو عادلوها بالذهب والدنانير=قلنا يسار يسار يا عاقلينه

نتبع هواها بالرخا والمعاسير=والرزق عند الله وربّك معينه

وإن قدّر الله .. جت ليال المخاضير=عشبٍ جديد وخالطه كل عينه

فيه الشقارا والكحل والنواوير=والقحويان يفوح ريحه وزينه

ساقوا عليه مدلهين الأباكير=كلٍ على الطولات يندا جبينه

زان التحدي عقب فك المقاهير =واللي قعد ذوده يشوف الغبينه

يوم اختلط فالجو عج ومعاصير=جاء للعشاير ندب يا سامعينه

كلٍ بذل جهده ولاله معاذير=الفعل واضح والعرب شاهدينه

اللي خذا النوماس شعلٍ مساطير=اللي فحلها قبلها محتسينه

قادتهم الهدلا وخطو المعاشير=كنها تقول الدرب له قايدينه

طبت فياض العشب قبل المظاهير=ترعى زماليقه بوقته وحينه

والبيت شيّد للنشاما المسايير=في رأس مشرافٍ جذب ناظرينه

ربعة شرف فيه الوجيه المسافير=أهل الوفا وأهل العقول الرزينه

هذا عضيد وذاك زبن المخاسير=والكل منهم موقفه شايفينه

من بينهم صفر الدلال المباهير=فنجال كيف ودارهم من يمينه

حديثهم يجيك بأحلى التعابير=كلٍ يجيب النادره والثمينه

سوالفٍ يطرب لها صغير وكبير =والعود الأزرق بينهم دايرينه

من عقبها ساقوا حليب المصاغير=ولقط الزبيدي بالغظا مشتوينه

وطليّهم يطّبخ بعد علّق عصير=سلمٍ لهم فيما مضى حافظينه

ولا حان وقت الفرض ما فيه تأخير=طاعة ولي العرش رأس السمينه

هاذي طراة الروح قبل المقادير=والعمر واحد ما تكرر سنينه

وقم يا فهد شغّل خوي المناعير=إنص الجنوب ودربها عارفينه[/poem]

الله الله الله الله


صح لسااااانك اي والله على الجزاااله والشعر الحقيقي


لاهنت ولاهان حضورك


تحياااتي لكــ

الله لايهينك طيبه من راس طيب صح الله اللسااانك



اخووك

الغالي خالد عبدالله السبيعي

عليكم السلام ورحمة الله وبركاته

مرحبا ومسهلا والله يحييك
ومنورالمرقاب


نتبع هواهـا بالرخـا والمعاسيـر
والرزق عنـد الله وربّـك معينـه

وإن قدّر الله .. جت ليال المخاضير
عشبٍ جديد وخالطـه كـل عينـه


الله يزرق البلاد والعباد بالخير الوفير


صح لسانك مدد يا بوعبدالله وسلمت ،


..

بوعبدالله



صح لساااااااااااااانك






عدهمال المزون




نص راقي مكتوب بخبرة شاعرمتمكن






وشاهدتي فيك مجروحة







دخلتني جو مع الابل





وانا في في بيتنا






لاتحرمنا من جديدك

عليكم السلام ورحمة الله وبركاته

مرحبا يا خالد السبيعي

قصيده ربيعيّه جميله

صح لسانك مدد وسلمت

وعليكم السلام ورحمة الله وبركاته

حياك الله يا خالد وحيّ ماجبت

صح لسانك ولاهنت
والله يباركلك فالشعل ويخلّيلك فهد

والله يرزق العباد والبلاد

صح لسانك مرّه أخرى
خالص تقديري لك

الله الله يا خالد

صح لسانك مدد بلا عدد

تحيّاتي لك