قم صلّ !!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مدوّر الرّاحة ما فالذّنب راحة = المعصية لازم تعلّ الصدر علّ
ان كان تبغى راحتك والشّراحة = اليا غشاك الثّلث الآخير .. قم صلّ
صدرك صلاتك سلوته وانشراحه = لا عبّته دنياك بهمومها فلّ
اعلاج لطعون الزّمان وجراحه = ودوى العلل باذن الولي عزوجلّ
يصير صدرك بعد كربتك : واحة = وتزين امورك كلّبوها وتنحلّ
وعقب هماج الميّ تشرب قراحه = وتروي ضمى كبدك من الخير وتبلّ
وان كان ديدنك التّقى والسّماحة = تبي تعرف اسباب ضيقتك والحلّ
الطّاعة اعتاد ( الغريب ) وسلاحه = باسبابها الآيمان يزداد ويقلّ
من سجن دار الدود تطلق سراحه = لا فارق اعياله والآموال والخلّ
اتزّوده فالقبر نور ومساحة= وتصير له في يوم بعث البشر : ظلّ
وّلا التّمسك بالمعاصي : بجاحة = تقول عقل امداوم الذّنب مختلّ !!
يعيش في حزنٍ شديد ومناحة = و ايتلّ ونّاته من اقصى الحشا تلّ
يطيح طاحة عن ثمانين طاحة = وتكثر سكاكينٍ تصيبه في مقتلّ
يروح جعلك ما تروّح مراحه = حتّى لو يشوف انّه الكلّ فالكلّ
دنياك مافيها بقا واستراحة = فيها قطار الموت يقفي ويقبلّ
وان كان يابن آدم تريد الصّراحة : = هجر المعاصي : عزّ .. والمعصية : ذلّ
المومن يشوف انّ نفيه سياحة = وموته لجل دين الله اعزّ واجلّ
الله يسعدله مساه وصباحه = رجلٍ من الدّعوة إلى الله ما ملّ[/poem]

هزاع الشيباني