.:.:. ياناشدٍ عن غيبتي سمّ لاهنت .:.:.

السلام عليكم ورحمة الله وبركاته

بويتات فيها اجابه لواحد سألني قبل فتره عن عدم تواجدي في احد المنتديات

مرروها و لااحد يدقق


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياناشدٍ عن غيبتي سم لاهنت=هاك الجواب اللي يريحك ويصيح
في وجه من يلحقني اللوم لاغبت=ورماح ذمه في قفايه مراويح
انا قريب وعايش بخير مامت=والحمد لله هادي البال ومريح
لكن عن مجلس هل النمنمه شمت=وعزلت نفسي عن وجيه المكاليح
بعد اكتشف ان التجمع على البهت=والزور والتطبيل مع حاية الريح
كديش قومٍ تجتول داخل النت=من كل حدب وصوب صف السلاتيح
واستثني اهل الطيب عن كل ماقلت=اللي مجالسهم ينومسك ويتيح
تزداد عرف وطيب من وين مارحت=لو كان فيهم وقتنا التالي شحيح
ولا اخفيك بعض اوقات غيبني الوقت=ومصارع الايام لامست مداويح
في معترك ماسالمٍ منه حتى انت=وابشرك مع كل هذي الملاويح
الحمدلله قاسي العزم مالنت=وخيول عزمي في نهجها مطاويح
اعنها في طيبها مثل ماكنت=وان جاني اللازم تجيله مضابيح
[/poem]


غيمار