ذكرياتي وسيف ابو جعفر المنصور

السلام عليكم ورحمة الله وبركاته

[poem=font="Simplified Arabic,5,black,normal,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black""]
على أخير ثلث الليل يالخاطر المكسور=ودمعة يتيم كل ماجات/مأجلها
سريت اتهجاء ذكرياتي حزن وسرور=وانا ذكرياتي تفخر بسيرة أهلها
مشيت ومعي خنجر وانا دمي المهدور=وتعثرت ماشفت الديار ومنازلها
وو قفت وعزاي الصبر ياعظمي المجبور=قدم رجلي أخطار الطريق ..اتجاهلها
لو اني بعوّلها على عتمه الديجور=طلع لي شروق الصبح قبل اتحصلها
صباح السحاب لوجهي الطايش المغرور =وصباح امتداد الشمس للأرض بأكملها
صباح"ن" نشر لي في زوايا الظلام النور=بعد هلت الغيمه على الأرض وابلها
وقفت أتأمل فالطبيعه شجر وزهور=وانا مابوسعي غير آقف واتأملها
ياظل الشجر ماعاد يزعجني العصفور=يغني معي ضيقة زماني من اولها
دخلت المكان اللي عشقته شعر وشعور=أحبه كثر...؟؟/مدري!! عجزت أتخيلها
قريته وانا اشوفه ملامح بشر/وسطور=اذا كل خطوه فيه ابرمج واحللها
هنا كنت ألون زاويه بيتي المهجور=وهنا لوحة"ن" طاحت وانا كنت أشكلها
وهنا بشت ابوي وسيف ابو جعفرالمنصور=وهنا سيره الامجاد والوقت سجلها
وهنا طاحت رساله على الأرض 5شهور=وانا توي أرفعها عن الأرض وأرسلها
وهنا عقد لؤلؤ له حوالي سنه منثور=والأشباح تبغى تجمعه بين اناملها
وانا أدرى عليه ان الزمن يكشف المستور=مادام ان الأرض تزلزله مايزلزلها
وهنا فالجدار المعتبر بصمه المقهور=وانا احاول أخفيها بكفي واظللها
وهناك أبعد /الأشياء/ قلبي وصله الدور=وانا أصد عنه أخاف يأتي يكملها
أعرفه " ضعيف " وكل حلمه/لبن عصفور!!=لذلك تركته قلت مخدوم وازهلها
يضيق النفس واللقمة أكبر من الحنجور=ماعاد اقدر اخرجها ماعاد اقدر ادخلها
وتعلمت كيف القبر ضايق من المقبور=بعد شفت لي جثه على كف قاتلها
وعرفت ان وقتي لا مجمّل ولا مشكور=ولكن يالبى ذكرياتي وما اجملها !!!!!
فديتك ياقصراً في عيوني فدتك قصور=على شانك اجحد ضيقتي وأتحملها[/poem]