رساله لابن عون ومردوده عليها

السلام عليكم ورحمة الله وبركاته
وكل ّّ عام والمرقابيـّّين بـ خير

يحصل بيني وبين أخي محمـّّد بن عون بعض المداعبات عبر الـ sms و الـ mms
لا تعدّّى كونها تنشيط لـ القريحه فقط لا أكثر
آخرها كانت هذه الأبيات ..

أقول :

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يوم أنت يا محمـّد للأسرار صندوق = تعال هاك رسالتي وإحتضنها
رسالة ٍ ينبض بها كل ّ معلوق = لحروفها نغمة حزن من حزنها
يا محمـّد أشكي لك من الولف والشوق = وجروح روح ٍ عزّرت في بدنها
قلبي غدا ما بين عاشق ومعشوق = روّح ضحيـّة فرصة ٍ ما مكنها
العام ساقتني حظوظي على السوق = ولقيت فيه اللـّي جذبني لحنها
حمامة ٍ تلعب على كل ّ طاروق = بغيت أجاوبها وذلـّيت منها
أخاف يا ابن عون لا أصير مسبوق = وألا الرهن يمديني أكسب رهنها
واليوم جاني علم والعلم موثوق = قالوا محمـّد جرّته في وطنها
عطني خبرها ولك من خيرة النوق = وضحى ً يسوقون الذهب في ثمنها
إمـّا عديت بجمع برقى على روق = وألا قنعت وجزت وأقفيت عنها[/poem]

مردود أبو سطـّّام :

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
لاحت على شاشة تليفوني بـروق = رسالـة ٍ ياحلـو نغمـة شجنهـا
عنوانها رقم التليفون مـن فـوق = ومضمونها شكوى ً مع اسمي قرنها
سلطان بن حامد من الحب مرهوق = والشوق يآمر وسط قلبـه وينهى
قلبه خضر ويهزّه الشوق برفـوق = ومشاعره في وسط قلبـه سجنهـا
يقول قابل داخل السـوق مخلـوق = يسكن بنفس الديره اللـي سكنهـا
واللي يطب ّ السوق لا يآمن العـوق = كم واحـد ٍ طبـّه وكبـده غبنهـا
وسلطان هام بحب لبـّاسـة الطـوق = اللي حمار الـورد يشبـه وجنهـا
رعبوبة ٍ من دونها الباب مغلـوق = ولا تجيـه رسالـة ٍ مـن لدنهـا
هاذيك ياسلطان مـن حبـّهـا فـوق = تراه مختلـف ٍ ضعنـك وضعنهـا
ماكل مطرود ٍ من النـاس ملحـوق = قبلي وقبلك واحـد ٍ قـد رسنهـا ! [/poem]

وسلامة الجميع ،،