مجاراااه للشاعر الكبير/ عبدالله بن عون

السلام عليكم ورحمة الله وبركاته

يسعدني ويشرفني وضع هذه المجاراها للشاعر الكبير عبدالله بن عون

مع العذر للشاعرناالكبير والقدير ابو نايف ان وجدت بعض اخطاء النقل لقصيدته

البدايه للشاعر الكبير عبدالله بن عون الرويس العتيبي



0

0

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الي يراسلنا يجي عشر مرات=حقه علينا لأن داعيه لافه
ننصاه فوق مقربات البعيدات= شهب الجيوب اللي تبوج المسافه
ياراكب الي صمموه الخواجات =على قوى ماصمموه بضعافه
لكزس من الي صممت للمهمات =لاحافه الي يبخصه مايعافه
دوب احدثو صنعه هل الأبتكارات=يملا النظر في سكبته والتفافه
ياربعي الي تبذلون المروات =خذو اعلومي لو لحقكم كلافه
شيلو عليه من الكلايف كلافات = خلو ثقيل الشيل واخذو خفافه
نجراً ومحماساً ولقمه ومصفات=وبريتاً تجلى العمس واصطلافه
ومن قصر حايل ناحرو للقريات=ولاتاخذ السواق بالجيب رافه
خلوه بخطوط الشمال السريعات= متواصلن سيره قليلاً وقافه
ثقل ورساوه بنعطاف الملفات =وماشاف قدامه صفطبه اخلافه
وتزميلكم بيسر طبرجل بنايات=ونوراً الى جا الليل يزمي كشافه
نوراً مهو بمعلقن في بقالاات=وعمايراً للضيف فيها اضيافه
عمايراً فيها المجالس فسيحات = وتجبله البرحي ليالي خرافه
قامت بعزم مدورين الجمالات = اهل الكرم والجود واهل اللطافه
كلاً يحاضي له مقلط ومقهات= وماحصلوه استعجلو في تلافه
بالجود ماخلو مجالاً لشمات= الي على الاخيار فيه انجرافه
ربعاً لنا معهم علوماً طريات=رفقة معزه وارتباط وولاافه
ونبي نجدد عندهم فايتن فات= ونكسب باراضيهم ونجلى الحسافه
ونستعرض افلام السنين القديمات=ونظيف ماهو يستحق الاضافه
لوكان بعض اصحاب الافلام قد مات= من مات قام بدوره الي خلاافه
ومن مات واذكاره مع الحي حيات=ترى خلافه من يكمل مطافه
وتمش يالحيين مع درب الاموات=فطره ولا للحي عنها انحرافه
عسى اسنين الحي منهم مديات= والميت منهم رحمة الله الحافه
لابن عليه والصيوص مقامات=عندي لها باعلى النوايف نيافه
وفدغاش والطرقي وشخران بالذات=ربعن تجلو بالصخى والسنافه
من شانهم مقدار كل الشرارات=في راس عيطا ماتحتها مهافه
ومرزوق مادونه ولاعنه صدات = واللي بواجبنا حضرنا زفافه
ولولا الضروف وكثرت الارتباطات=والوقت عيا لايساعد اسعافه
كان استغلينا فرصنا بسجات= معهم مادام العود ماوشك جفافه
واختامها ماطوحن عذب الاصوات = حمامتيناً فوق نبنوب غافه
تهدا لهم مني سلام وتحيات = وجف القلم والفكر ماجف قافه
[/poem]



وهنا مجارتي له




[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياراكب اللي مصنعه بالولايات=للكونجرس تدفع زكاته صلافه
ضريبتاً ماهي فريظة ديانات=يدعم بها الليكود حزب أئتلافه
أدهم بصدره للرحابه مساحات=عاجاً مقاظيبه فريداً مصافه
كبينته لمباتها تقل مشكات=وخطوط طبلونه خيال وخرافه
بينه وبين معاندينه مسافات=يمضي بها عقل الفطين اعترافه
حجم به الصانع خيال الصناعات=مضمون ناتج خبرته واحترافه
تضيق بركونه وساع المسارات=ياضي كما بدراً بشهر انتصافه
ليه عليه من المشاريه سجات=مادام فكري تايقاً للمسافه
مادام جفن مغربل الشوق مابات=لا ما شعاع الصبح مرعيه شافه
على سنا غراً شمالاً مهيفات=سبعاً لهن حول الشهير التفافه
معهن لما نادا المنادي با لأصوات=حياً على فرض التقى والمخافه
اساوق الأفكار والمها اشتات=مابين ممشوق الزمن وانعطافه
دراً تمرحب لي بعذب العبارات=من مرعفاً ساق الوفاء لأنتصافه
عوباً على روس الطلايع منيفات=مبهوض فج الدو..تاخذ كشافه
حص الزبرجد لولها جوهريات=مجناه من عنق الثمين انعسافه
عذبات من شط الكرامه مغبات=تنهل من ركون المحيط وضفافه
ساقت من المنشأ معاطيشها روات=روض الضمى غذت مثاني جفافه
تنحابها الهومه لراع الجزيلات=عذب الجواب اللي سخى المجد نافه
راع البيوت النادرات الشهيرات=غراً تمايح بالثناء واللطافه
له في ثنايا قمت المجد بصمات=من بيت عزاً ضافياتاً رفافه
شاعر عتيبه صاغهن بالشرارات=دراً تمعنا به بخيص الصرافه
عبر الأثير مسجلاتاً بالأصوات=تنقلهن اعلام العرب والصحافه
حييت يامشرف جبين القريات=من طيب نفسك ماحدتك المسافه
صاحب وفاء لك في سما الجود وقفات=سجلك المجد التليد اعترافه
تقطف ثمر زرعاً سقته الجمالات=غرس الوفاء مثلك بيمناه حافه
صفوة عرب له بالطويلات طالات=الجود فرشه والكرامه الحافه
من روس قوماً فوق هامه وقامات=يوم أنها مابين وصل ونكافه
عتيبه الهيلا سنود المهمات=لا طوحت بيض الترايب اغدافه
للصاحب احلى من حليب المعفات=وللمعتدي سماً سقطري زعافه
جتنا بيوته مثقلاتاً خفيفات=من صوغ ابو نايف عليها الحسافه
عبدالله ابن عون ساق العذيات=دراً من اليم المهيب انهتافه
عذبات من عذباً بحوره غزيرات=شبلاً شواعير الجزيره تخافه
عصم الشوارب له تسوق التحيات=بالطيب طوق سيرته باالنظافه
ارفع له الرايه بروس الطويلات=واقول ياحيه وياحي قافه
بسمي واسم ربعي جميع الشرارات=نرعى مواجيبه ونشكر مطافه
نشكر ثناه مربعاً عشر مرات=شكراً وزن ضلع الصعيدي وكافه
وختامها مادرهم الصيعريات=حمراً مع البيدا تواما خفافه
على رسول الله خير الصلوات = مبعوث حق وباب خير ومرافه
[/poem]

صح لسانك
صح لسانك


مجاراة وافية .. وتستحق المتابعة والإحتفاء
شكرا لك على هذا الحضور
وهذا التوهّج



..

الله الله عليك
وافيه من وافي

صح لسانك

صح لساااااااانك أبداع وجزاله

مودتي لك .

اخي العزيز

محمد بلال

اسعدني تواجدك الكريم والمشرف

وحضورك ومتابعتك تشريف للحرف وكاتبه

صح بدنك يالغالي ولاهنت

احترامي

،’
محمد

أنا إكتفيت شعر لـ هذه الليلة ، بعد هذا المتصفح الـ كامل الدسم إي والله !
صح لسان إبن عون ولسانك ،

تح ـياتي

ماعليكم زود


والله تستاهلون الوفاء يشرارت
وابونايف مدرسه بالوفا والشعر


هنا قرئت شعر بعناه

ضريبتـاً ماهـي فريظـة ديـانـات
يدعم بهـا الليكـود حـزب أئتلافـه

صح لسان ابو نايف وصح لسانك اخوي محمد

سلطان العطاوي

لاهنت يابعدي

حضورك تشريف

واسعدني اطلاعك الراقي

صح بدنك

احترامي

عبدالرحمن السمين

ياهلا ومسهلا

تشرفت بحضورك الكريم
واسعدني تواجدك المشرق

صح بدنك ولاهنت

احترامي

فهد الزعبي

حضورك تشريف

واطراءك وسام

شكراً لك على هذا الثناء المبهج

صح بدنك ولاهنت يالغالي

احترامي

ياسلام

صح لسان العلم عبدالله بن عون
وصح لسانك على المجاراة الرائعه !

صح لسان ابونايف مليون

وصح لسانك حتى علامات الرضى

ابداع وراه ابداع

تقديري لك يالغالي

صح لسان بن عون ولسانك ولا هنت

اخي العزيز

سعود غنام

ياهلا ومسهلا بك

وماعليك زود يالغالي

تشرفت بحضورك الكريم

واسعدني سمو اطلاعك ورقي انطباعك

صح بدنك يالغالي ولاهنت

احترامي وتقديري

اخي لعزيز

عفاس بن حرباش

حضورك تشريف للحرف وكاتبه

والروعه بحضورك وسمو حروفك

صح بدنك يالغالي

احترامي

كــــــان اسـتـغـلـيـنـا فــرصــنــا بــســجــات
معـهـم مــادام الـعــود مـاوشــك جـفـافـه

واختامـهـا ماطـوحـن عــذب الاصـــوات
حـمـامـتـيـنــاً فـــــــوق نــبــنـــوب غـــافــــه !!

ياسلاااام

صوت وصدى
كأنهما انطلاقا من عيارٌ واحد
روووعه يابن دويشر

صح لسان الشاعر

عبدالله بن عون


وصح لسانك

ولاهان راسك

مجاراه جزله ورائعه لاهنت

تحاياي وتقديري

الله الله
صوت ومجاراة بمثابة صدى ،

ما أروع الأبيات عندما تتأتي دون تكلّف ، فحتماً ستروق
للقارئ ، حتى لو طالت أبياتها .


جزالتك هي من جعلت القصيدة تزهو بعبق الصحراء ، ونسيم هواءه
وتشعرك بأنك قدمت مايليق بالمتلقي ،



صح اللسانك محمد ، والشرارت يستاهلون الطيب
وصح اللسان بن عون



ولاهنت ،