((((________ نظام ساهر _______))) جديدي

اتمنى ان تصل الى ذائقتكم ،،،


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
.. نظام ساهر جعل وسط البلاد إحتراز .. = .. وخلى البشر بالدروب الطايلات رهقا ..
.. سهام قوسه على قلوب الاوادم ركاز .. = .. يصيد ماصار عنده للوجيه عتقا ..
.. بدروب الاجواد حاكم نجد وارض الحجاز .. = .. ولعيونه الطايرات الشاخصات بلقا ..
.. ياليت ساهر يركب عند الألسن جهاز .. = .. اللي صدى هرجها كنه زعيق نهقا ..
.. ويسجل مخالفاتٍ كنها خاز باز .. = .. بحلوق اهلها واهلها للهروج عشقا ..
.. ياأهل الدوادي لقينا بالعقول إهتزاز .. = .. إهتزت عقولكم واضفا عليها الشقا ..
.. بدراسة اهل الردايا واصلين إمتياز .. = .. وإرسوبكم بالنهايه بان وضح النقا ..
.. مايحذف الناس رجلٍ كان بيته قزاز .. = .. وليا حذف فاليمان الذاربات طلقا ..
.. أشوف ضلع جبله واشوف قمة خزاز .. = .. ضلعين في قلبي الخفاق شبه شققا ..
.. واحد عتيبي من اللي بالمواقف عزاز .. = .. وهذاك حربي شموخه طول وقته بقا ..
.. اللي لقا خوة الضلعين بالطيب فاز .. = .. ياخذ صفات الشموخ وللمعالي رقا ..
.. مال لصداقه بطاقة رمز والا جواز .. = .. تعرف برمز الوفاء حتى يقال صدقا ..
.. والا عديم المروه في كفوفه حجاز .. = .. والا لسانه مسبب لنفوس زهقا ..
.. ماعاد باقي ياكود اكشف رموز النشاز .. = .. اللي غسل وجهه المكسف بصحن مرقا ..
.. ليته يدل السنع لا قال فيه إعتزاز .. = .. ويترك علوم الردى من نطقها وش لقا ..
[/poem]


عبدالرحمن مجاهد البراق ..