البداية .......

[[poet font="Simplified Arabic,5,seagreen,bold,normal" bkcolor="transparent" bkimage="backgrounds/3.gif" border="none,4,gray" type=3 line=200% align=center use=ex length=0 char="" num="0,black" filter=""]
اسعد الله اوقاتكم اخواني واخواتي..
. ونشكر كل من ساهم..
بأخراج المرقاب بهذه الصورة


لكم جميعا هذه المشاركة/



البداية جابها مابين مزح ....وبين جدي = وانفعلت بدون قصد... وطشت واخذني حماسي

قام وده يستفز..... وقمت له ماهو بودي = ولا تراجع لين شاف العلم مافيه التباسي

كان يبغى يكبر الموضوع... مدري يستبدي = مادرى انا ماهقوا فينا بعيدين المراسي

شافها صملة وهون..... ولا هو ماهو بقدي =
والعرب تعرف مقاسه.. مايقارن مع مقاسي

لايتحدى..... طالما ماهو على قد التحدي = عزتيله عزتيله.. كان... (حطيته براسي)

مجدنا من فعلنا من كثر زوده... مايعدي = علموه ان ماعرفها ..ذكروه ان كان ناسي

يوم كانت..... للفعول وللخيول وللتعدي = الرمك تشهد لنا والسيف الاحدب والطياسي

ان نوينا مارجعنا وان مشينا... مانهدي = وان ثبتنا والله انا كننا... جبال رواسي

اظهر اظهر لين اشوفك بالنظر وتشوف ردي =
لاتخفى في قناع اللي لها.... سود نعاسي

انت مغرور بجمالك... وسع عين وبيض خدي =
واسمك اكثر من دليل .ولابس زين اللباسي

اه.. من وقت بلانيبك.... ووقفك انت ضدي = واجتمع في دنيتي خصم هزيل.. ووقت قاسي

الزمن هذا لونه عاش فيه ....العود جدي
= مايعيش مية سنه... بيموت في وقت قياسي

شاخ فيه.. اللي حياته كلها يجيب ويودي = واختلف سعر الذهب حتى غدا مثل النحاسي

وضاع فيه.. اللي لياعدو هل الطالات عدي
= نادر فيه اجتمع.... جود وصلاة وقو باسي

سامحوني كان طال الهرج.. لو ماهو بودي = اندفعت بدون قصد... وقمت واخذني حماسي



وتقبلوا تحياتي


[/poet]