مصافحه اولى ( سحايبه ) !!

السلام عليكم ورحمة الله وبركاته


تحية طيبة للجميع


مبارك عليكم شهر الخيرات جميعا

جعلنا الله وأياكم من صوّامه وقيّامه


وأضع بين أيديكم مصافحتي الأول لعل وعسى ان ترتقي الى ذائقتكم العظيمة


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياصاحبي والنفس ماهيب تايبه=عن حبكم لو كان زادت مصايبه

قلبي دليلي والمشاعر تدلني=والحب يشعب في خفوقي ركايبه

اللي بصولات المشاريه لوّحت=ونفسي على زود المشاريه طايبه

مانيب غايب عن سماها وجوّها=مدام عيني تلتفت في سحايبه

اسج رجلي يم داره وديرته=سج الخصيم اللي يثاري طلايبه

عزاي لامريت شرقي بيوتهم=هليت دمعي لين جاد بسرايبه

على هنوفً زاهيه في جمالها=هي زينة العالم وثامن عجايبه

ياشبه عفراً بأول الذود موقفه=لاهيب لافاطر ولاهيب عايبه

يردم شحمها فوق كومة فقارها=ولون شعفتها زاهيٍ مع ترايبه

أوصافها بين المزايين نادره=وهبه من اللي ماتعدد وهايبه

لاجرها صوت اللبيد وتزرفلت=القايده بالزين ماهيب نايبه

يحبها عود(ن) فنا العمر دونها=ماعذّبه حر الزمان ولهايبه

ورثه من اللي مرهفات(ن) سيوفهم=يوم انها مابين عوجا وصايبه

هذيك مثل اللي شعتني بحبها=وشبّت على قلب المولع شبايبه

هي ساكنة في وسط قلبي ومهجتي=ماهيب عن فكري بعيده وغايبه

تزورني لاهبت الغرب بالهوا=لاذع ذع الغربي وهبت هبايبه

وذكرت برقعها ونظرات عينها=والبسمه اللي في شفاياه ذايبه

والله لــ / أموت وماتمنيت غيرها=قلبي شغوفً في هواه وحبايبه

والعله اللي في خفوقي تلوعني=أسبابها وأعراضها من سبايبه

وان كان ماجتني وجاني علاجها=رزّو على قبر المولع نصايبه[/poem]

شكرا لمن مر من هنا