شريحه وجوال

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يازين لاتشكي ترى الناس عذال=بعض العرب بالعلم يعطي بشيره
لاتتصلي تشتكي ضيقة البال=قلبك على الضيقات قلبي خشيره
انا معك روح وجسد طول الأجيال=وراس"بليا روح يلقا مصيره
من شان عينك اضرب الجال بالجال=واسل سيف"مايعود اللجفيره
وان كان بأنك تشتكي ضيقة المال=افديك قلب"مايهوجس ضميره
لاتشتكي واتقول ياسمح الأقبال=من بيني وبينك اجبال"كبيره
من بيني وبينك مسافات واجبال=والهاتف ارساله على آخر وتيره
الوضع عادي مابه اخلاف واشكال=العذر هذا دور اللعذر غيره
لوكان ماعندك شريحه وجوال=ومن بيني وبينك ثمانين ديره
خليت قلبي يشبك ابقلبك ارسال=وبرج اتصاله فالضلوع القصيره
لادق قلبك من ورى بعد الأميال=وحسيت في قلبي سوات السعيره
اجاوبك وابطل القلب فالحال=واقول ياربي عليك الستيره
لادق قلبك صار فالقلب زلزال=زلزال يرثع في جبال الجزيره
يازين لاتشكي من الوقت لوطال=ودرب المواصل لاتخالف مسيره
من شان عينك ابدع ابيات وامثال=واجر صوتي للجموع الغفيره
لو قامت العالم تقوول(ابن محوال)=على دروب الحب درهم بعيره
قلت اركدو قلبي سمعتوه وش قال=ايقول قلبي يالوجيه السفيره
بذكر وصوف اللي زهت خده الخال=ثم احكمو يأهل الفعول العسيره
ارموش عينه تضفي العين واطوال=وعيونه اعلاج العيون الضريره
وشعره على متنه مثل موج شلال=وخشمه مثل سل السيوف الشطيره
وصوته معه بحه ولآجر موال=يشفي مريض"مايفارق سريره
والامشا ممشاه هون وتمهال=واللبيت جاره ساعتين"مسيره
يضحك على نجوى وهيفا وبسكال=ويضحك على زينب ويحقر سميره
من لامني به جعل ياتيه سلال=قلبي مع شرواه يجحد شويره
بعد الكلام الناس شيبان واعيال=سارو علي مثل البحور الغزيره
واتقول وصفك ياولد يطرب البال=اوصوف خلك فالعذارا دميره
وقامت تجر البيت واتقول يالآل=هذا العشير اللي يحبه عشيره
ويازين لاتنطق ترى الناس عذال=بعض العرب بالعلم يعطي بشيره
لاتتصل لي تشتكي ضيقة البال=قلبك عبى الضيقات قلبي خشيره[/poem]