لوية ذراع

للتواصل .. آمل ان تجد القبول


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""] ياوقت لا تلوي ذراعي وانا اشوف = حاول تجمّل قبل تلوي ذراعي !!
مامنك امان ولا ورى وقفتك خوف = وعرضتني جرد الفجوج الوساعي !!
وغزيتني بجيوش ورماح وسيوف = وحديتني على حلوق الافاعي !!
ياوقت بردك عنه مايدفي الصوف = ومن قوّ حرّك بارد الثلج ماعي !!
فيك ايتغيّر كل ماكان مألوف = واخلفت ضني وامتداد انطباعي !
وأن جيت ابا اكسب فيك طيّب ومعروف = ضاعت معك كل الطرق والمساعي !
وممّا يمر البال من درس ويطوف = مافادني صبري وحسن استماعي !!
وأن قلت جعل الصبر طيّب و مخلوف = ضاع الامل . واللي ورى الضنّ ضاعي !
وعودّت واعدايه طوابير وصفوف = وسلّمت مفتاح اللقاء للوداعي !!
وجنّبت عن درب ٍ بالاخطار محفوف = وتركت علم ٍ/ ما لطاريه داعي !!
لو كان ماني فأكثر الناس مكلوف = اللي تضحّك لي بضحك ٍ صناعي !
ماني عن الطيب وهل الطيب مكتوف = امجرّب الدنيا ومدرك وواعي !!
وأدرى على الرفقه مع الوقت واروف = وأرقا بأهلها من طمان ألـ / رفاعي !!
ولاشلت هم ألـ /كل جاهل وملقوف = ويصد ّ هجمات الأعادي دفاعي !!
ومن راح ما ألحقته مشاريه وحسوف = ومن جاء يحصّل نجدتي من ذراعي !!
[/poem]


وسلامتكم