(( موجب حلاك ))

بسم الله الرحمن الرحيم
الساده أعضاء ومتابعين منتدى المرقاب الشامخ المحترمين ,,,
السلام عليكم ورحمة الله وبركاته ,,,
أود أن أضع بين أيديكم هذا النص المتواضع وأرجو أن ينال على إعجابكم,,,

تمشي مع الناس وعيون الملا صوبك ..
ــــــــــــ ما كنّـك ألا ملاك وتمـشي إلحالـك ..
من بدة الناس حـطوا دوبهم دوبـك ..
ـــــــــــــ اشغلتهم وأنت ما تدري وفي فالـك ..
الله عطاك القبول وسـهّل دروبـك..
ــــــــــــــ والخير يمشي معك باقفاك واقبالـك..
مابين موجب حلاك وسالب عيوبـك..
ــــــــــــــ أشعلتني نجمة(ن) في ليلك الحالـك..
ومابين هدنةوصالك وأشرس حروبك..
ــــــــــــــ حطيت فـي ساحة التفكير تمثالـك..
يا غارق(ن)في مجلاتك وحاسوبـك..
ـــــــــــــــ الشوق في داخلي يسأل عن أحوالـك..
تعال وأسكن حياتي وإفرض إسلوبـك..
ـــــــــــــــ تشيلك العين كان القلب ما شالـك..
بقوم في واجبك وأعطيك ماجوبـك..
ــــــــــــــــ وأحميك من عين عذالي وعذالـك..
تامر على ماتبي ويجيك مطلوبـك..
ــــــــــــــــ ملكـتني في غرامك والله المالـك..
يا حظي اللي تعثّر في طرف ثوبـك.
ــــــــــــــــ ياما تمنّـاك في حلّـك وترحالـك..
لا جيت ادوّر هناك وعذب مشروبك..
ــــــــــــــــ أسقيتني من عنى كيفك وفنجالـك..
ما ودّي أعذربك والصد عذروبـك..
ـــــــــــــــــ ولا ودّي اعيش في همّك وغربالـك..
لكن عسى لانويت تحاسب ذنوبـك..
ـــــــــــــــــ اطلب من الله عساني بأحسن أعمالـك..

وسلامتكم,,,