يلوح البيرق

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يلوح البيرق اودون البيارق تقصر الذلان= تضيع اعلوم ابو علمين ماحقق مناوية
من اول مايشل البيرق الا فارس الفرسان= يقدم له شجيعٍ لاورد ماترقل إلحية
يورّد قومه الهية مثل مايارد الضميان= لاشاف الما حذف عمره تقول ان فيه جنيه
ولا همه تزود اعداه ولا تنقص العدوان= يقود الجيش زيزوم السرايا حامي الهية
وعقب النصر يرفع بيرق اللابه ورا الحدان= تطيع امشاط عدوانه على ارسومٍ حدودية
لكن اليوم من هجرس وجاد الوزن والقيفان= يسمى فارس الفريس لاكثر مغازية
مظارب شاطي الراحه تنوّخ فوقه الركبان= يجونه من فجوج الارض خياله ورجلية
ثلاث اشهور ورماح الغزاه اسنانها لوزان= يقوم الحرب واحروب القصايد حرب وديه
لما طال الطويل وطايل الطالات لول بان= رفع بيرق هل الهية وعبّوله مخابيه
الا ياسعود شد الحيل وانت امعرب الجدان= تجيب ابيوت تربك خصمك اوتخلف هقاوية
وذا عاينت في نظمك دريت انك فصيح السان= نوادر تحت نسجك تخضع ابطيبه وجبريه
تنحّر شاعر المليون ثم مثل بنو قحطان = ليا اللجنه تناسو مانسا وقفتك كرسية
وحنا لك بقلب وقالب وندعي لك الرحمان = وفالك شيك ابو خالد محمد صافي النية
مدامك في ذرا شيخ الشيوخ الشيخ ابن خلبان = وزيت وخاب طلابك وكل ادعاك مقضية
عضودك من حديد ومحتزم بالمحزم المليان= زنادك تقدحه واطنخ معا عز العبيدية
جزيل المد لاهبت شماليه ذرا وكنان= مواقيفه تجمل والحمية فيه ماريه
طويل الباع شيال الحمول الكايده زومان= وريث اشداد خال وعم بفعولٍ حقيقة
زحازيح الرجال امتعبين الحف مهما كان = جمعنا جد واحد والعزاوي منه مسمية
يشوش الراس ويزود السطر لاقيل يالحرقان = ابو سلمان منكم راعي الروحات والجية
رفيع الشان خرب مقدم الطرقه على الظفران = مداغيش الرجال اتصير في دربه عليمية
عليه بالحرام ان تو بدعك يالمثايل زان = وزينها جنابٍ طالته ماجات عارية
ختام القول ياعراف والحبه على النيشان = ولا يزعِل كلامي غير شخصٍ فيه نفسية
على كل البيارق ون تبون الصدق والبرهان = يرفرف بيرق ابن اسعود والرايه سعودية

[/poem]