,,,,سيدة النساء,,,,

مشاركه متواضعه
ترجوا القبول فقط لاغير
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياشعر يالله ورنى همتك .. في هذا المساء = وانقش بيوت الشعر في صدر الزمن عبر السنين
مادمت شاعر والشعر.. تتنفسه مثل الهواء = اكتب ذهب واقهر قلوب..الحاسدين المغرضين
واول ماتقهر .. ياقصيدى لو سمحت الاصدقاء = اللى تبين بوجه .. لكن تخفي الشر المبين
مبينة روح الصداقه ..مخفية روح العداء = وعمر المدن ماقد خلت.. من كاذبين ..منافقين
دور ..قلوب .. اهل القلوب الوافيه والانقياء = اللى تحب الشعر .. وتدور على الدر الثمين
واطرب مسامعها بعذب الشعر ..واعزف للبقاء = في ذاكرة ..من يسمعون الشعر.. بالقلب الفطين
والشعر ماهو فلسفه او كيميا .. او فيزياء = الشعر وهبه .. والمواهب .من الـــه العالمين
مع البدو ..ومع الحضر ..والفقرا .. والاغنياء = ومع الرعاع .ومع بعد ..حتى العباد الصالحين
هذا .. ويالله ياقصيدي لاتراجع للوراء = اقدم على ماتشتهى .. واقلط على سمن وسمين
والبارحه في خاطرى ..حشد ومعازيم وعزاء = وهموم تاخذنى يسار .. ومثلها تاخذ يمين
من طاحت اوراق الخريف .. وهبت رياح الشتاء = ولاحت بوادر غيبته .. في شهر تشرين الحزين
وغابت طيوف احلى البنات .. وسيدة كل النساء = وصارت اللقياء محال ..وصارت الفرقا يقين
وانا المريض اللى يشيل الداء في وسط الرداء = عفت الحياه ..ومن كثر ضيقي حسدت الميتين
مالى بعد صبري سوى التسليم لاحل القضاء = والصبر مفتاح الفرج والله على الدنيا يعين
الجادل اللى علمتنى ..ماتحب وماتشـــاء = وعشقتها عشق الرشيد ..لارضه .. ارض الرافدين
اللى بطلتها ..يغــار البدر في كبد السماء = لانه يعود هلال..وهي بدر في كل حين
واللى تواضعها .. يجسد كيف معنى الكبرياء =وحنانها .. ماينتقارن .. في حنان ام الجنين
راحت .. وكان اول لقا ..ماهو مثل اخر لقاء =وشلون اشبه وقت ضحكتها .. بوقت الدمعتين
الله يسهل دربهــا .. من تختصر كل النساء = ويعوضنى عنها بخير ..ويرحم القلب الحزين
[/poem]