يا أغلـى من الغالين يا قرة العين ,,,

السلاام عليكم ورحمة الله وبركاته ,,

كل واحد مهما قدم لوالديه يحس بالتقصير ,,,

كيبورديه بالوالده عسى الله يطول بعمرها ,,, و الأم لا يوفي حقها مليون بيت تنحت على جبل ,,


تقبلوها كما هــي ,,
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا الله يا رب العباد المصلين=يا عالم اسرار الملا وما تبيحه
ياللي لك العالم ضعوف ومساكين=يا وامر ٍ بالستر دون الفضيحه
أرحم خفوق ٍ ثار همه براكين=مافيه درب ٍ بالخطا ما يطيحه
رسالة ٍ منـي بليا عناوين=أمدها وبيوت شعري فصيـحه
يم غاليه تسوى بعيني ملايين=أَمي قبل كل الوجيه الفليحه
يمه وانا قصرت في حقك اسنين=ما كنت أميز من خطايا صحيحه
مدري تغافلني زماني على الشين=ولا إن نفسي ما تطيع النصيحه
أدري مقصر في حقوقك من الدين=ونفسي من التقصير والله جريحه
يمه وانا طالبك تكفين تكفين=تعفين عن روح ٍ عليكم شحيحه
تعبت ادور للخطا يسار ويمين=عذر ٍ ولا حصلت عذر ٍ يبيحه
الضيق يمشي وسط دم الشراين=والهم يرجف خافقي ما يريحه
مـن اول ٍ نفسـي تكابر على البيـن=واليوم نفسي في خطاها صريحه
يمه وانا مقدر اوفيلك الدين=لو قطعوا جسمي شريحه شريحه
الله موصي في كتابه على أثنين=انتي مع الغالي عسى الله يبيحه
يا الله عساكم يوم لقياه راضين=ويجمعكم الله في جنان ٍ فسيـحه
يا أغلـى من الغالين يا قرة العين=يا علني من دون رجلك ذبيحه
أشيل همك وأنتهض بالجناحين=واشوف نفسك يا الغلا مستريحه
ويا الله ترحم كل من قال آمين=وانا تحت رحماك نفسـي طريحه
جنب مسيري عن دروب الرديين=واجعلني امن اهل الوجيه السميحه[/poem]
وسلاامتكم