دموع العين !

كل عام والمرقاب وكل عضو فيه بخير ,

خابر ومتأكد لو اتعذر اليوم وبكره ما انتم عاذريني

مير لعل هالخويطره تخفف من العتب



[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليه الزعل كاسي ملامحك يازين = وخاطرك له ساعه ونص (إ)متضايق
قلي وش اسباب الزعل خاطرك شين = ماهيب عاده ضيقتك لو دقايق
ياغايتي في دنيتي لاتضيقين = عليك شكل الضيق ماهوب لايق
امسح دموع العين ياناعس العين = لاتجرح خدودك فدوك الخلايق
خل العنا لي واترك الهم والبين = واضحك وانا لمطاول الهم طايق
ضحتك عندي وإنبساطك نهارين = تغيض ناسٍ ولعتبي حرايق
الله يرحم والدينك قل آمين = لاعاد تفتح للنكاده طرايق
طالبك وسع خاطر يااريش العين = وإخذ الكلام اللي عليه الحقايق
مادام راسي حي فلّ الحجاجين = والله لتقضي باقي العمر رايق[/poem]