الضلع الطويل

السلام عليكم ورحمة الله وبركاته

للتواصل بالمواهب ، صلوا على النبي

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جنب دروب الصعلكة يا نشيدي=لا تظحك العالم وتكسبني الذنب
هزل الكلام اللي يعذرب قصيدي=غيري زبونٍ له وأنا أرقى ولا أذب
إلا على الضلع الطويل الوحيدي=أداوي العلة وأدور لها طب
أهاب ربي قبل كل العبيدي=ما همني تغريد طيري ورا السرب
أهم شي أرضي طموحي وأزيدي=رصيد حب الناس وأجنب الجرب
عن طاعة الله كان قافي يحيدي=محدٍ بنافعني ولو صار لي حزب
الشعر يمشي في مسالك وريدي=مرٍ يجي مسموم ومرٍ يجي عذب
جزل المعاني مثل قو الحديدي=لو غيرت الأيام لونه بقى صلب
وأنا قصيدي مثل حرٍ يصيدي=طلعه بعيد وضربته تدمي الخرب
أدسمه وأشبعه من جديدي=أصون عرضه ويترفع عن الشذب
أرفع جنابه لين يكبر رصيدي=بين العرب والهزل مالي معه درب
قصيد شعر العولمة ما يعيدي=أمجاد شعار الجزيرة ولو غصب
لا صار سرد القافية ما يفيدي=وش له أعد البيت واعدل الحدب
أمد شبحي بالنظر من بعيدي=وأقدح هشيم القاف ويثور ويشب
لين يتمايل مثل غصن الجريدي=لا هبت النسمة من الشرق والغرب
أرسل له من الوجد عبر البريدي=ما يكتمه صدري وأصبه بعد صب
وأعده أمن أبناي ولا حفيدي=يهرول بأمري ويمشي ثم يخب
لو كنت في طرح القصايد بليدي=ماني بناشد عن هل الجمع والضرب
بالمختصر القاف طفلٍ وليدي=يكبر مع الأيام ما شاب ويشب
[/poem]


وسلامتكم