توت المحبه...بعد الغياب الطويل يااهل المرقاب عسى تعذرني منكم

السلام عليكم ورحمة الله وبركاته

ابيات اتمنى لها المرور بعد الغياب الطويل



[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على ذكرى الغرام وشرهة الغالين للغالين =بعد قفت وسومك واجدبت خضر البساتيني
ضميتك بعد طولت الغياب ولا غفت لي عين =وانا لو أنت بحري واشربك ماأظن ترويني
انا ماعاتبك ليش الجفاء لأني اعرفك زين=لكني لاكتبت الشعر في مثلك يسليني
ادور لك عذر بين الظروف وسجة السالين=وادله خاطري في كل لحظة بينك وبيني
عسى الله لايعيد الضيقة اللي في مسا الاثنين=بعد ما جرحتني من فراقك ودمعت عيني
هذاك اليوم لينت الخفوق اللي حشا مايلين=لو تلين الرجال اللي على الشدات قاسيني
رحلت وضاقت الوجهات الاربع قلت اجيك منين=ولابه غير دربن لو سلكته مايوديني
تغانمت الطريق اللي يجي بيتك من الصوبين=احسب أني بشوفك واحسب ان الوقت يمديني
تركت الدار بيساري وأخذت اول طريق يمين=وانا شهب العلوم تحدني والشوق حاديني
على وصل الهنوف اللي تمخطر بين حين وحين=مرابعها القصيد وبيتها بين الشرايني
نبت في وصلها توت المحبة والكرز والتين=وتمايل كل غصن شوقه ندف الرياحيني
عليها يمين ماتنسى الغلا ولها عليّ يمين=ماينقص من غلاها شي دام الله محييني[/poem]وسلامتكم