بكره نهاري ..!

تواصل مع المواهب .. مبطي عنه : )


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قبل اجهر بـ / صمتي ، واخسر انتصاري=ويبين في وجه القصايد .. شحوبي !

كنت آتمنّى غربتي .. وسط داري ..=ولا أعدّد لـ / الخلايق .. ذنوبي !!

حزين ، لأن الفرح ما هو خياري ..=سجين ، مدري وين سكة هروبي ؟!

مجروح واجهل من جرحني ، وداري=كل ما جنحت لـ / سِلم .. زادت حروبي !

ابكي عشان الناس ، وايبس خضاري ..=يا ليتهم على البكا .. ما ضحكوا بي !

كان اعشبت من السعادة .. قفاري= واترعت من خمر المواصيل .. كوبي !

لكن على الأحزان بأسدل ستاري ..=وآقول يا عيني عن الدمع .. توبي !

واليوم لـ / الذكرى ، وبكره نهاري ..=فيه ألتقي بـ / فراق من عذربوبي !

في كل طافي وجه ، بأشبّ ناري !=حتى يدوّر ميزته .. في عيوبي !

واقول له من بعد طول إنتظاري ..=لا عاد الاقي جرّتك في دروبي !

فارق ، وعلّم من خسر بإنتصاري ..=لا عاد يلد عيون خيبته .. صوبي !

ولا يبهّــــر دلّته في وجـــــــاري ..=من صحبة امثاله منفّض .. جيوبي !

لو اقضي الباقي من العمر .. عاري=ارحم ، ولا البس ثوب ما هو بـ / ثوبي !![/poem]