مالك معي ياناعس العين مسرا..!!

متواضعه تتمنّى القبول...
.
.



مالك معي ياناعس العين مسرا
مغليك لو أبطى حنينه يردّه

دربي وعر وصدوف الايام قشرى
ولا لك على ما بيّن الوقت شدّه

الجرح بإذن الله مع الوقت يبرى
ياشوق لو البعد ملعون جدّه..!

أصبر ولا أسمع من حواسيدي أزرى
مكتوب... والمكتوب ماعنه صدّه

دنيا الشقاء وجروحها نار كبرى
إليا صفت في يوم عشرين ضدّه

القرب لو بالمال والدم يشرى
شريته أ/من اسنين وأجزلت مدّه

لكنّها قسمت شقاويٍ أدرى
في حظّه اللي ما يفك المخدّه.!

ترمي به ظروفه من النيف حدرا
وترقابه الذكرى ويزداد ودّه

هذي حياته بين حاضر وذكرى
ولامن سرى به هاجسه باح سدّه

في ماقعٍ ما شافت العين الاخرى..!
غنّى له بحرفٍ من الضيق ردّه

سيل القدر له بين الاضلاع مجرى
أما يعمر القلب ولاّ يهدّه..!