الندّر اللي على الشرهين تنقادي !

دعاني الشيخ بادي بن ناصر الزمامي الدوسري لعزيمه لي أنا وبعض من قبيلة البقوم في الرياض
وبهذه المناسبه اهديت له هذه القصيده لانه صديق وعزيز وشيخ قوم .




أقول


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بسم الله اصخر جزيل الشعر وأحوفه=ماهوب عادي ولاقلناه في عادي
أروّض الشرد ما أبغى أجيب معسوفه=الندّر اللي على الشرهين تنقادي
في شيخ قومٍ يتوق الشعرلوصوفه=ورّاث مجدٍ تليد وراعي شدادي
راعي مضيفٍ به الرسلان مصفوفه=على جحيم الخشيب جلال الأفنادي
ما أقول قالوه أنا أقول اللي أشوفه=الله لا يخلي من أهل الجود الأجوادي
بشاشته تكسر الحاجز عن ضيوفه=يبدا بها قبل حلو الشرب والزادي
على كثر مايحوش تنفّق كفوفه=ماقال أبا أجمع وأوفّر شئ لأولادي
زْماميٍ دون وجهه يقهر ظروفه=بلا مْبَالَغ قليل اللي مثل ( بادي )
من لابةٍ بالكرم والطيب معروفه=أمجادهم خِلّدت دِرّاس وجدادي
دواسرٍ جارهم له في العرب نوفه=البيض ترفع لهم في روس الأشهادي
قالوا بناد القتيل ونبني الطوفه=فعلٍ تربّع بهم في عرش الأمجادي
ودخيلهم لازبن نسّوه من خوفه=يامن لو أخصامه أقوى قوم وأسيادي
عصاه توسم ومن نجران للكوفه=بأرض الجزيره وكل أرضٍ له بلادي
يسجها مايدب الخوف في جوفه=في ظل قومٍ من أقصى خريص للوادي
هاذي حقائق عن الشبهات محفوفه=أقولها عندي اثباتات واسنادي
وأبا أختم القاف قبل أستطرد حروفه=بالمستكا وأجود الكمبود والكادي
للمستمع بأجمل الباقات مزفوفه=يقولها عن عيال كليب بن هادي !
[/poem]

شعر / عايض بن محمد بن هادي الاكلبي