الفقير يعيش ماغير ظلّه يتبعه!!

سلام عليكم

من جديد هواجيس تالي الليل..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سجلّي ياذاكره وأطبعي يامطبعه=بوح صدراً تالي الليل الأجواء شاقته
والسهر عشقي ولو أن مابه منفعه=والحقيقه للسهر سرّ مع عشاقته
كم عينً ترقد من أربعه لين أربعه=وكم عينً ذاقت من السهر ماذاقته
والزمن يا ما أحتداني على غير اْسنعه=وأحتديته بالصبر وأحتدتني فاقته
والهبوب اللّي لها فالشبابيك اْقرعه=أيبست خضر الورق والغبار أحتاقته
والله اللّي يعطي الرزق وألاّ يمنعه=وكل رجالً بجهده يسوّي طاقته
وطلعت الأصحاب فالضيق ماهي فالسعه=وأكثر الأصحاب مطراقته مطراقته
صاحبً بالهرج دايم يلعلع لعلعه=وفاللزوم يصك بابه ويقفل طاقته
وصاحبً وقت الشدايد يسرّك مطلعه=فوق صلفات المواقيف نفسه ساقته
لو رأس المال ناقه وديسً يرضعه=لو نصيته تشتكي له نحرلك ناقته
وقيمة الرجال باللّي من الدنيا معه=هكذا الأيام ياكم رجلاً عاقته
الفقير يعيش ماغير ظلّه يتبعه=والغني بالعكس كل العرب في ساقته




[/poem]

عيضه الثبيتي

25/12/1432هــ