عذر الفقير !

السلام عليكم ورحمة الله وبركاته

للتواصل معكم .. تقبلوها

:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
فقدتك ياخديني وانت كافل والعيون ايتام=وفجرت المشاعر فدوتك وانتثرت اشلاها
عداك اللوم والدينا ملامتها على من لام=يالولاها ماطاحت دمعتين الحزن لولاها
فمان الله روّح لا تفكر وابتعد مادام=هذا درب الغياب وخطوتك في حفظ مولاها
وانا لاجفت الصفحه عليك ورفعت الاقلام=سهرتك ليلةٍ عميا من اولها ليا اتلاها
عسى ربي يبيحك وانت عذرك يشبه الاوهام=وانا عذري مثل عذر الفقير ان ساوم اغلاها
كسبتك في بداية عام وخسرتك نهاية عام=وعيني يوم خلاها االوصال النوم خلاها
يعيش المرء لحظات الوداع بصمت واستسلام=ولا ينسى جروحه لا بغى ينسى ويتلاهى
لذلك لاتحسب ان المفارق سهل والايام=تمر وذكرياتك ماقدرت اسج واسلاها
وطيفك لا دعاه الجرح شافتك العيون الهام=وضميتك فديتك يا اسوأ حظوظي ويا احلاها
احبك وانت تدري بس ما تدري وانا منضام=وخنجر غيبتك خنجر وطعناتي تحالاها
غرامك سنبله والوصل ساقي والغياب انسام=تهب وتصطفق فيها وتنزعها من اعلاها
هذا قَسمي نصيب من الحزن لا وُزعت الاقسام=وهذا غيظ الصدور اللي غثا الايام يملاها
غلطت فــ حبك وخانتني الامآل والاحلام=وعيني يامتاهات الغرام الله لا يبلاها
مادام البعد بيدك لاتفكر وابتعد مادام=هذا درب الغياب وخطوتك في حفظ مولاها
وانا لا جفت الصفحه عليك ورفعت الاقلام=سهرتك ليلةٍ عميا من اولها ليا اتلاها [/poem]