المعذره كلي عذر

مع التحيه والتقدير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعد انقطاع الوصل بينك وبيني=ماظن يجمعني معك وصل مقطوع
اقول زيدي با الجفا واتركيني=لن الوصال اصبح مثل حبة الكوع
ماحب اخدع العشق لو تخدعيني=يكفي سنه مرت وانا فيك مخدوع
ماكنت اطاوع كل واحد يبيني=وما كنت اطاوع با الهوا كل دلوع
انسيني من البال لا تذكريني=والا ذكرتي قولي الوصل ممنوع
ماعاد ابي وصلك يقابل حنيني=عندك مشاريعك وانا فيه مشروع
روحي على دربك يساري يميني=ماهو مهم ولا بقي شي مطبوع
زرع الغلا محصود فيكي وفيني=مات الحصيد ولا بقي شي مزروع
المعذره كلي عذر واعذريني=حتى العتب عن ماضي الوقت مرفوع
لاتحتوين الصد لا تحتويني=ماعاد ابي قصة تماسيح ودموع
كل احتوائك ما يحرك يقيني=تبقى القناعه بينما الشك منزوع
خوف الوداع المر ما يعتريني=عندي على جور الهوا قلب وضلوع
لو تنزل الدمعه على رمش عيني=امنع كياني عن ضما الطرد والجوع
ماني بواقف لك ولا تحتريني=مالي بعد شرخ الولع رد ورجوع[/poem]